अहिल्याबाई होळकर यांनी देशभर उभारलेल्या ऐतिहासिक वास्तूंचे जतन करून विकास करा : महादेव जानकर 

आंबेगाव (२४/१२/२०२४) : भारताच्या पहिल्या महिला आदर्श राज्यकर्त्या महाराणी अहिल्यामाई होळकर यांची यांच्या जयंतीचे येणारे वर्ष ३०० वी शताब्दी असून, त्यांनी देशभरातील उभारलेल्या ऐतिहासिक वास्तुचे जतन करून त्याचा विकास करावा, अशी भूमिका राष्ट्रीय समाज पक्षाचे संस्थापक/ राष्ट्रीय अध्यक्ष महादेव जानकर यांनी मांडली. महादेव जानकर पुणे जिल्ह्यात आंबेगाव तालुका दौऱ्यावर आले होते. त्यांनी होळकर यांनी बांधलेल्या वास्तूंना भेट देऊन पाहणी केली.

खडकी, ता-आंबेगाव येथे होळकरवाडा राजे मल्हारराव होळकर यांनी आपल्या काळात बांधला होता. खडकी गाव उदाबाई यांना चोळी बांगडी म्हणून होळकर कुटुंबाने बक्षीस स्वरूपात दिले होते. या ठिकाणी असलेल्या पुरातन घोड नदी घाट व बिरोबा मंदिर, काळभैरवनाथ मंदिराची राष्ट्रीय समाज पक्षाचे राष्ट्रीय अध्यक्ष महादेव जानकर यांनी कार्यकर्ते समवेत पाहणी करून दर्शन घेतले.