राष्ट्रीय समाज पक्षाचे राष्ट्रीय पातळीवर संघटनात्मक बदल महाराष्ट्र राज्य अध्यक्षपदी काशीनाथ शेवते यांची फेरनिवड

राष्ट्रीय समाज पक्षाचे राष्ट्रीय पातळीवर संघटनात्मक बदल

महाराष्ट्र राज्य अध्यक्षपदी काशीनाथ शेवते यांची फेरनिवड

#rashtriyasamajpaksh #mahadevjankar #kashinathshevate #chandrapal #maharashtrarsppresident 

मुंबई (१३ डिसेंबर २०२४) : राष्ट्रीय समाज पक्षाचे संस्थापक /राष्ट्रीय अध्यक्ष महादेव जानकर यांच्या आदेशानुसार राज्य व राष्ट्रीय पातळीवर संघटनात्मक बदल करण्यात आले आहेत. काही दिवसापूर्वी महाराष्ट्र, उत्तर प्रदेश, बिहार, मध्य प्रदेश, कर्नाटक, गुजरात सह इतर राज्यातील कार्यकारणी निष्कासित करण्यात आली होती. आज राष्ट्रीय समाज पक्ष तर्फे काही निवडी जाहीर केल्या आहेत. उत्तर प्रदेशचे माजी अध्यक्ष चंद्रपाल यांची राष्ट्रीय कार्यकारिणी सदस्यपदी वर्णी लागली आहे. महाराष्ट्र प्रदेशाध्यक्षपदी काशिनाथ शेवते यांची फेरनिवड करून त्यांच्या नेतृत्वावर रासपाने विश्वास दर्शवला आहे. गुजरात राज्य प्रदेश प्रभारीपदी सुशील शर्मा, कर्नाटक राज्य प्रभारी शिवलिंगप्पा जोगीन, बिहार राज्य प्रभारी गोपाल पाठक, मध्यप्रदेश राज्य प्रभारी प्राणसिंह पाल, तेलंगणा राज्य प्रभारी रमाकांत करगतला, दिल्ली राज्य प्रभारी श्रीमती हेमलता पाल, उत्तर प्रदेश राज्य प्रभारी श्रीकांत गुरुजी यांची नियुक्ती केल्याचे पत्रक प्रसिद्धीस दिले आहे. 

या निवडीबद्दल रासेफचे राष्ट्रीय अध्यक्ष एस. एल. अक्कीसागर, राष्ट्रीय महासचिव कुमार सुशील, के प्रसन्नाकुमार, शिवलिंगप्पा किन्नुर, राष्ट्रीय संघटक बाळकृष्ण लेंगरे, गोविंदराव शुरनर यांच्यासह अन्य राष्ट्रीय कार्यकारिणीतील पदाधिकाऱ्यांनी अभिनंदन केले आहे व पुढील वाटचालीस शुभेच्छा दिल्या आहेत.