महादेव जानकर यांची रासपचे माजी युवक जिल्हाध्यक्ष केशव मुळे यांच्या घरी सांत्वनपर भेट

अकोला (१७/१२/२०२४) : राष्ट्रीय समाज पक्षाचे संस्थापक अध्यक्ष माजी कॅबिनेटमंत्री महादेव जानकर अकोला दौऱ्यावर आले होते. रा.स.प. चे माजी युवक जिल्हाध्यक्ष केशव मुळे यांचे वडील श्रीकृष्ण मुळे यांना दिनांक 10 नोव्हेंबर रोजी देवाज्ञा झाली, त्यांच्या दुःखात सहभागी होऊन जानकर यांनी कार्यकर्त्यासह केशव मुळे यांच्या मोठी उमरी, विठ्ठल नगर अकोला या निवास्थानी स्व. श्रीकृष्ण मुळे यांच्या प्रतिमेचे भावुक होऊन पूजन केले व त्याना श्रद्धांजली अर्पण केली. माजी विदर्भ अध्यक्ष डॉ. तौसिफ शेख व सर्वांनी सामूहिक श्रद्धांजली देऊन त्यांच्या कुटुंबाचे सांत्वन केले. सुख दुःखात आम्ही तुमच्या सोबत आहोत असे महादेव जानकर यांनी सांगितले.  यावेळी सज्जाद भाई, गणेश मानकर, दादाराव ढगे,  प्रदीप गावंडे, सुनील वानखडे, अंकित ढोरे, राजू डोंजेकर, अंकुश बाळापुरे, विजय शाहाकार, उमेश मोहरकर,आदी मान्यवर उपस्थित होते.