वर्सोवा येथे मुंबई रासप महिला आघाडीची संविधान यात्रा 

अमित शाह माफी मागा : मुंबई महिला आघाडी रासप 

मुंबई (२३/१२/२४) : वर्सोवा, मुंबई येथे राष्ट्रीय समाज पक्षाच्या माजी मुंबई महिला आघाडी अध्यक्षा अभिनेत्री महक चौधरी यांच्या नेतृत्त्वाखाली भारतरत्न डॉ. बाबासाहेब आंबेडकर यांच्या सन्मानार्थ राष्ट्रीय समाज पक्षाच्या वतीने संविधान यात्रा काढण्यात आली. राष्ट्रीय समाज पक्ष महिला आघाडीने काढलेल्या संविधान यात्रेत डॉ. बाबासाहेब आंबेडकर, महादेव जानकर यांचे फोटो असलेले फलक, भारताचा तिरंगा ध्वज, 'आमचा अभिमान - भारतीय संविधान' असा मजकूर लिहिला फलक महक चौधरी यांच्या हातात होतात. यात्रेत कार्यकर्त्याकडून 'जय भीम' अशा घोषणा देण्यात आल्या. राज्य घटनेचे शिल्पकार डॉक्टर बाबासाहेब आंबेडकर यांचा केंद्रीय गृहमंत्री अमित शाह यांनी संसदेच्या सभागृहात देव स्वर्गाची गोष्ट करून एकेरी नाव घेत अपमान केलेला आहे, त्यांनी माफी मागावी, अशी आक्रमक भूमिका रासप मुंबई महिला आघाडी माजी अध्यक्षा महक चौधरी यांनी व्यक्त केली.