उपमुख्यमंत्री अजित पवारांची १ हजार कोटींची संपत्ती मोकळी

मुंबई  : राष्ट्रवादी काँग्रेसचे राष्ट्रीय अध्यक्ष आणि महाराष्ट्राचे उपमुख्यमंत्री अजित पवार यांना दिल्लीला लवादाने मोठा दिलासा दिला आहे. गुरुवारी उपमुख्यमंत्री पदाची शपथ घेतल्यानंतर दुसऱ्याच दिवशी आयकर विभागाने अजित पवार यांची जप्त केलेली मालमत्ता दिल्लीतील लावादाने हे मालमत्ता परत केली आहे. आयकर विभागाने ऑक्टोबर 2021 मध्ये छापा टाकून अजित पवार आणि त्यांच्या कुटुंबीयाशी संबंधित असलेले सुमारे 1 हजार कोटींची संपत्ती जप्त केली होती. अजित पवार, पार्थ पवार, सुनेत्रा पवार यांच्या मालमत्तासह नातेवाईकांशी संबंधित मुंबईतील प्रतिष्ठित नरिमन पॉईंट येथील निर्मल टॉवरसह पाच मालमत्ता जप्त केल्या होत्या. शपथ विधीपूर्वी एक दिवस आधी अजित पवार दिल्लीला गेले होते, त्यावेळी केंद्रीय गृहमंत्री अमित शहा यांची भेट घेण्यासाठी गेल्याचे वृत्त पसरले होते. परंतु आपण खाजगी कामासाठी गेल्याचा खुलासा अजित पवारांनी शपथविधीनंतर केला होता.

यावरून आता सामान्य माणसांमध्ये 'भाजपचा पहिल्याच दिवशी एक चांगला पारदर्शक निर्णय', एका गरीब निर्दोष मराठी माणसाला न्याय मिळाला, काबाडकष्ट करून कमावलेली, जप्त केलेली मिळकत पुन्हा परत त्यांच्या स्वाधीन केल्याने आता महाराष्ट्र थांबणार नाही, अशा प्रकारची चर्चा सुरू आहेत.