परिवर्तन चळवळीचे आधारस्तंभ इतिहास संशोधक प्रा. मा. म देशमुख यांचे निधन !

आपल्या वाणी आणि लेखणीद्वारे बहुजन समाजातील एक, दोन पिढ्या परिवर्तनाच्या दिशेला चालल्या. परिवर्तन चळवळीचे आधारस्तंभ इतिहास संशोधक प्रा. मा. म देशमुख यांचे निधन झाले. आता ते आपल्यात नाहीत, परंतु त्यांचे बोल आणि कार्य आपल्या सोबत कायम राहतील.

त्यांचा माझा स्नेह होता, अनेकदा भेटलो. फोनवर बोलत होतो. काही दिवसांपूर्वीच त्यांची आठवण झाली, मात्र बोलणे झाले नाही. आता बोलणे होणारही नाही. हळहळ कायम राहील. रासप संस्थापक महादेव जानकर यांनी फोन करून श्रद्धांजली व्यक्त केली. जानकर साहेबांवर प्रा. देशमुख सरांचा विशेष लोभ स्नेह होता. 

महादेव जानकर हिरा आहे, अक्कीसागर तुम्ही त्यांच्या पाठीशी आहात मला जाणीव आहे . या हिऱ्याला तुम्ही जपा. असे 25 वर्षांपूर्वी सांगितले होते. यातून त्यांची तळमळ लक्षात येते. रासप आयोजित महात्मा फुले जयंती निमित्त मुख्य अतिथी म्हणून कटगुन ला आले होते. रासपच्या मर्जीशिवाय महाराष्ट्राचा मुख्यमंत्री होणार नाही, असे त्यांनी प्रतिपादन केले होते.

🌹🙏👏🏿

भावपूर्ण श्रद्धांजली 

एस. एल. अक्कीसगार

बेळगावी, कर्नाटक