श्री आई जाखादेवी कलामंच, मुंबई (भालावली-राजापूर) नमनांच्या प्रयोगाला मुंबईत रसिक प्रेक्षकांचा प्रचंड प्रतिसाद
राजापूर / प्रतिनिधी - कोकणची लोककला अर्थात लोकप्रिय नमन या ब्रिदवाक्याने सुरु होते ते म्हणजे कोकणचे खेळे अर्थात नमन. हि लोककला जोपासण्याचे काम "श्री आई जाखादेवी कलामंच, मुंबई" यांनी अत्यंत कुशल पद्धतीने केलेले आहे. दि. २९ जानेवारी २०२५ रोजी झालेल्या मालाड, मुंबई येथील कार्यक्रमाला रसिक प्रेक्षकांनी प्रचंड प्रतिसाद दिला त्यानंतर थेर विरार नगरीत दि. ०१ फेब्रुवारी २०२५ रोजी आगमन होताच तेथील रसिक प्रेक्षकांनी जागा नसताना देखील रात्री २ वाजेपर्यंत उभे राहून मोठ्या संख्येने कलाकारांना प्रोत्साहित केले. त्यातच नवनिर्वाचित कलाकार सायली भिंगे अर्थात "राजापूरची राधा " म्हणून प्रसिद्धीच्या झोतात आहे. तसेच अष्टपैलू कलाकार आदित्य निबदे, अनिकेत तळेकर आणि इतर सहकारी यांनी
सुद्धा प्रेक्षकांचे दिलखुलास मनोरंजन केले. श्री. आशिष गुरव यांच्या आवाजातील नारदाची गाणी रसिक प्रेक्षकांना भुरळ घालत होती आणि अफलातून गौळणीतील प्रमुख भूमिका म्हणजे "मावशी " चेतन मोहिते यांनी प्रेक्षकांना रंगमंचाकडे वेधून घेण्याचे काम उत्तम पार पडले. अशा प्रकारे सर्व कलाकारांनी उत्तम भूमिका बजावून कलामंचाचे नाव रोशन केले. लेखक / दिगदर्शक श्री. विजय केशव चौगुले यांची लेखणी प्रत्यक्ष साकारण्याचे काम कलाकार करत असून कार्यक्रमाचे आयोजन व नियोजन कार्यकारिणी कमिटी योग्य पद्धतीने करत असून कोकणातील रसिक प्रेक्षकांचे मनोरंजन उत्तम पद्धतीने होत असल्याचा असा रसिक प्रेक्षकांचा अभिप्राय आहे. आता पुढील काही दिवसात कोकणचा दौरा चालू होणार असून कोकणातील तळागाळातील रसिक प्रेक्षकांचे मनोरंजन करण्यास सज्ज असल्याचे सेक्रेटरी श्री. विश्वास गुरव व खजिनदार श्री. सचिन सांडये यांनी सांगितले. पुढील काही दिवसात राजापूर, संगमेश्वर, सावर्डे, दापोली, चिपळूण, लांजा, गुहागर आणि रत्नागिरी या ठिकाणी कार्यक्रम करण्याची संधी उपलब्ध झालेली आहे. अधिक माहितीसाठी श्री. विश्वास गुरव ८६५५५३६४५७ या भ्रमणध्वनीवर संपर्क साधावा असे आवाहन कलामंचच्या वतीने करण्यात आले आहे.
No comments:
Post a Comment