महादेव जानकर यांनी अंतरपाट धरत दिल्या वधू-वरांना शुभेच्छा 

तेर : धाराशिव तालुक्यातील कोळेकरवाडी येथे आयोजित एका विवाह सोहळ्यासाठी आलेले राष्ट्रीय समाज पक्षाचे राष्ट्रीय अध्यक्ष महादेव जानकर यांनी स्वतः अंतर पार धरत नवदांपत्यास आशीर्वाद दिला. धाराशिव तालुक्यातील कोळेकरवाडी येथील राष्ट्रीय समाज पक्षाचे मराठवाडा अध्यक्ष आश्रुबा कोळेकर यांची कन्या चि. सौ. कां. देवकन्या कोळेकर आणि राष्ट्रीय समाज पक्षाचे धाराशिव जिल्हाध्यक्ष ॲड. चि. विकास पाटील यांचा विवाह सोहळा रविवार दिनांक 2 मार्च रोजी पार पडला. विवाह सोहळ्यात राष्ट्रीय समाज पक्षाचे अध्यक्ष महादेव जानकर वधू-वराला शुभाशीर्वाद देण्यासाठी आले होते. विवाहाची घटिका जवळ येताच महादेव जानकर यांनी चक्क स्टेजवर जात स्वतःं अंतरपाठ धरला. एका राजकीय पक्षाचे अध्यक्ष असतानाही जाणकार सर्वसामान्यांमध्ये कसे मिसळतात, हे पाहून उपस्थितांना आश्चर्य वाटले. या विवाह सोहळ्यास राष्ट्रीय समाज पक्षाचे पदाधिकारी/कार्यकर्ते मोठ्या संख्येने उपस्थित होते.,