प्रत्येक बुथचे दहा कार्यकर्ते दिल्लीला येतील याचे नियोजन करा : गोविंदराम शूरनर 

नांदेड जिल्हा राष्ट्रीय समाज पक्षाची आढावा बैठक संपन्न

नांदेड (प्रतिनिधी):  दिनांक१६ मार्च रोजी होळकरनगर सिडको नांदेड येथे राष्ट्रीय समाज पक्षाची बैठक पार पडली. बैठकीस मार्गदर्शन करताना राष्ट्रीय संघटक गोविंदराम शूरनर म्हणाले, पक्षाचे संघटन मजबुत करण्यासाठी वन बुथ टेन युथ हा कार्यक्रम राबवून पक्षाचे कार्य तळागाळापर्यंत पोहचावे लागेल. या वर्षी महाराणी अहिल्याबाई होळकर यांची त्रिशताब्दी पक्षाच्यावतीने दिल्ली येथ साजरी करण्याचे ठरले आहे. त्या कार्यक्रमासाठी प्रत्येक बुथचे दहा कार्यकर्ते दिल्लीला आले पाहिजे, त्यासाठी कार्यकर्त्यांनी आज पासुनच कामाला लागावे. या कार्यक्रमाची सुरुवात म्हणून २२ व २३ मार्च २०२५ रोजी दोन दिवसीय शिबीर आयोजित केले असून मार्गदर्शन करण्यासाठी राष्ट्रीय अध्यक्ष राष्ट्रनायक महादेवजी जानकर साहेब उपस्थित राहणार आहेत. तरी जिल्हा तालुका प्रतिनिधी शिबीरासाठी उपस्थित राहावे, असे आवाहन केले.

मराठवाडा संघटक आश्रुबा कोळेकर यांनी पक्ष वाढीचे काम सोपे पडावे म्हणून नांदेड जिल्ह्यासाठी तीन जिल्हाध्यक्षाना नियुक्ती दिली. किनवट, हदगाव, भोकर मतदारसंघासाठी उत्तर -पुर्व जिल्हाध्यक्षपदी भिमराव शेळके,  नायगाव, देगलूर, मुखेड मतदारसंघासाठी पुर्व - दक्षिण जिल्हाध्यक्षपदी आनंदराव राजुरे, आणि उतर नांदेड, दक्षिण नांदेड, लोहा कंधार मतदारसंघासाठी चंद्रकांत रोडे यांची नियुक्ती केली. मराठवाडा उपाध्यक्षपदी हनुमंतराव वनाळे, नांदेड शहर प्रभारीपदी आर जे तुडमे यांना नियुक्ती पत्र दिले. या बैठकिला बापुराव वाकोडे, साहेबराव गोरटकर, नागनाथ कोकणे, बंटी काळे, पांढरे, शिवकांत मैलारे, आकाश कोकणे, डॉ संतोषकुमार नाईक, गणपतराव शूरनर, मदनेश्वर शूरनर, सुर्यकांत गुंडाळे,  गौरव देवकाते उपस्थित होते.