राष्ट्रनायक महादेव जानकर यांच्या मातोश्रींना विनम्र श्रद्धांजली

एका संघर्षमय मातृत्वाची गाथा सांगणाऱ्या, केवळ एका कुटुंबाच्याच नव्हे, तर संपूर्ण समाजाच्या उन्नतीचा पाया घालणाऱ्या कै. गुणाबाई जगनाथ जानकर यांना स्मृतिदिनानिमित्त विनम्र अभिवादन!

माळरानावर मेंढरांच्या मागे फिरताना जन्मलेले महादेव जानकर आज भारतीय राजकारणातील एक महत्त्वाचे नाव बनले आहेत. हा प्रवास जितका त्यांचा आहे, तितकाच तो त्यांच्या मातोश्रींचा आहे, ज्यांनी प्रतिकूल परिस्थितीतही आपल्या सुपुत्रावर अभंग संस्कार केले. शिक्षण, संघर्ष, आणि समाजसेवेचा वारसा त्यांनी महादेव जानकर यांना दिला, आणि त्यातून एक राष्ट्रनायक घडला.

कै. गुणाबाई जानकर यांनी अपार कष्ट, निष्ठा आणि समर्पणाने आपल्या मुलाला शिकवले, त्याला शोषित-पीडित-वंचित लोकांसाठी लढण्याची प्रेरणा दिली. त्याच प्रेरणेच्या बळावर महादेव जानकर यांनी आपले संपूर्ण जीवन समाजाच्या सेवेसाठी समर्पित केले. त्यांनी केवळ अन्यायाविरोधात लढा दिला नाही, तर सामाजिक परिवर्तनाची मशाल पेटवली. त्यांची भूमिका नेहमीच प्रस्थापित व्यवस्थेच्या विरोधात उपेक्षितांना मुख्य प्रवाहात आणण्याची राहिली आहे.

गुणाबाई जानकर यांच्या त्यागातून आणि कष्टातून निर्माण झालेली ही क्रांतिकारी जिद्द आज लाखो लोकांसाठी प्रेरणादायी ठरते. त्यांच्या स्मृतींना वंदन करताना आपण या मातृत्वाचे ऋण मान्य करणे हे आपले कर्तव्य आहे. त्यांच्या विचारांची आणि संस्कारांची प्रेरणा पुढील पिढ्यांना सामाजिक न्यायाच्या दिशेने वाटचाल करण्याची शक्ती देवो, हीच प्रार्थना!

कै. गुणाबाई जगनाथ जानकर यांना भावपूर्ण श्रद्धांजली!

*श्री भगवान ढेबे राष्ट्रीय समाज पक्ष महाराष्ट्र राज्य कार्यकारिणी सदस्य*