रासप हायकमाड समवेत विदर्भ रासप पदाधिकारी बैठक

नागपूर : (७/१२/२३) यशवंत नायक ब्यूरो

नागपूर येथे राष्ट्रीय समाज पक्षाचे राष्ट्रीय अध्यक्ष राष्ट्रनायक तथा रासपचे हायकमांड महादेव जानकर साहेब यांच्या प्रमुख उपस्थितीमध्ये विदर्भातील सर्व पदाधिकारी यांची महत्त्वाची बैठक पार पडली.  विदर्भामध्ये राष्ट्रीय समाज पक्ष वाढविण्यासाठी आदरणीय महादेव जानकर साहेब यांचे हात बळकट करण्यासाठी पुढच्या आठवड्यामध्ये यवतमाळ जिल्ह्यात राष्ट्रीय समाज पक्षाचा कार्यकर्ता मेळावा आयोजित करायचा असा निर्णय घेण्यात आला. विदर्भामध्ये पक्ष बळकट कसा होईल, कार्यकर्त्यांमध्ये ऊर्जा निर्माण कशी होईल, या विषयावर चर्चा करण्यात आली. यावेळी राष्ट्रीय समाज पक्षाचे विदर्भ उपाध्यक्ष तथा अमरावती विभागाचे विभागीय अध्यक्ष डॉ तौसीफ शेख, महासचीव संजय कन्नावार, कर्मचारी अघाडीचे नंदकिशोर काळे सर, वर्धा जिल्ह्याचे जिल्हाध्यक्ष. चंद्रशेखर भेंडे, यवतमाळ जिल्ह्याचे अध्यक्ष सुरज ठाकूर इतर कार्यकर्ते उपस्थित होते.