रासप नेते महादेव जानकर यांनी घेतले प्रा. नरके यांच्या पार्थिवाचे अंत्यदर्शन

 प्रा. हरी नरके यांच्या पर्थिवाचे अत्यंदर्शन घेऊन आ. महादेव जानकर यांनी पुष्प अर्पण करून श्रद्धांजली वाहिली. यावेळी मंत्री अतुल सावे व अन्य मंडळी उपस्थीत होते.

मुंबई : यशवंत नायक ब्यूरो 

समता परिषदेचे राष्ट्रीय उपाध्यक्ष, थोर विचारवंत लेखक प्रा. हरी नरके यांचे आज हृदयविकाराने दुःखद निधन झाले. प्रा. नरके सर यांच्या निधनाचे वृत्त समजताच राष्ट्रीय समाज पक्षाचे संस्थापक राष्ट्रीय अध्यक्ष आ. महादेव जानकर यांनी थोर विचारवंत प्रा. हरी नरके यांच्या पार्थिवाचे सायन हॉस्पिटल मुंबई येथे अंत्यदर्शन घेतले.

अर्नाळा जिल्हा - पालघर येथील राष्ट्रीय समाज पक्ष शिबिरास मार्गदर्शन करण्यासाठी उपस्थीत असताना माजी मंत्री महादेव जानकर, प्रा. हरी नरके व संजय सोनवणी

प्रा. नरके सर यांच्या निधनाने राष्ट्रीय समाजाचे अतोनात नुकसान झाले आहे. कधीही न भरून येणारी पोकळी निर्माण झाली आहे. राष्ट्रीय समाज पक्षातर्फे आयोजित कटगुण येथील आधुनिक भारताचे राष्ट्रपिता महात्मा जोतीराव फुले जयंती कार्यक्रमाचे अध्यक्षस्थान प्रा. हरी नरके सर यांनी भूषविले होते.

भारतीय स्वातंत्र्याचे आद्य प्रणेते महाराजा यशवंतराव होळकर या संजय सोनवणी लिखित पुस्तक प्रकाशनवेळी प्रा.नरके, महादेवजी जानकर, अक्कीसागर व प्रकाश खाडे

दिनांक ११ ऑगस्ट रोजी राष्ट्रीय समाज पक्षतर्फे राज्यभर श्रद्धांजली वाहण्यात येणार आहे. नरके सर हे चळवळीचे मार्गदर्शक होते. त्यांच्या अकाली जाण्यामुळे मनाला वेदना होत आहेत.