जन स्वराज यात्रा रोखल्याच्या निषेधार्थ घाटकोपर येथे रासपची निदर्शने

मुंबई : (३०/८/२३)यशवंत नायक ब्यूरो काल चर्चगेट येथून वाजत गाजत शकेडो गाड्यांच्या ताफ्यासह निघालेल्या राष्ट्रीय समाज पक्षाच्या जन स्वराज यात्रेस सांताक्रूझ व अंधेरी परिसरात राज्य सरकारने पोलीस बळाचा वापर करत रोखल्याच्या निषेधार्थ निदर्शने करण्यात आली. आज सकाळी घाटकोपर येथील राष्ट्रीय समाज पक्षाच्या कार्यकर्त्यांनी रस्त्यावर उतरत जोरदार निदर्शने केली.  काहीकाळ निषेधाच्या आणि जानकर साहेब यांच्या जयजयकाराच्या घोषणांनी परिसर दणाणून गेला. घाटकोपर येथील कामराज नगर परिसरात शेकडो कार्यकर्ते रस्त्यावर उतरल्याने काही काळ येथील वाहतूक ठप्प झाली.