महादेव जानकर यांचे कार्य कौतकास्पद : समाजसेवक अण्णा हजारे

राळेगणसिद्धी: यशवंत नायक ब्यूरो 

राष्ट्रीय समाज पक्षाचे नेते महादेव जानकर हे कौटुंबिक सुखाचा त्याग करून 'राष्ट्र हेच माझे कुटुंब आहे, असे समजून राज्यात व देशात वंचित घटकाला राजकीय प्रवाहात आणण्यासाठी करीत असलेले राजकीय कार्य कौतुकस्पद आहे, असे प्रतिपादन ज्येष्ठ समाजसेवक अण्णा हजारे यांनी केले.

राष्ट्रीय समाज पक्षाची जन स्वराज यात्रा पुणे- अहमदनगर महामार्गावर शिरूर जवळील बेलवंडी फाटा येथे आल्यावर शिरूर, पारनेर, श्रीगोंदा तालुक्यातील कार्यकर्त्यांनी यात्रेचे ढोल वाजवून महादेव जानकर यांचे जोरदार स्वागत केले. त्यानंतर आ. महादेव जानकर यांनी राळेगणसिद्धी येथे जाऊन जेष्ठ समाजसेवक अण्णा हजारे यांची भेट घेतली.