महिलावरील अत्याचार विरोधात राष्ट्रीय समाज पक्षाची निदर्शने 

शाहूवाडी (२३/८/२४) : कोलकता येथे प्रशिक्षणार्थी डॉक्टर महिलेवर झालेल्या अत्याचार, बदलापूर येथे दोन चिमुकल्या विद्यार्थ्यांनीशी झालेली दुर्दैव घटणा, शिये येथे अल्पवयीन मुलीचा निर्घृण खून या घटनेच्या निषेधार्थ 'राष्ट्रीय समाज पक्षाच्या'वतीने मलकापूर जिल्हा कोल्हापूर येथे शाहूवाडी तालुका अध्यक्ष अभिषेक पाटील यांच्या नेतृत्वाखाली निदर्शने करण्यात आली. संबंधित घटनेतील गुन्हेगारांना फाशीची शिक्षा द्यावी, अशी मागणी रासप पदाधिकाऱ्यांनी केली. नराधमांना फाशी द्या, गोळ्या घाला, तुडवून मारा अशा प्रकारची घोषणा देऊन प्रतीकात्मक पुतळ्यास फाशी देऊन दहन करण्यात आले.

यावेळी तालुका उपाध्यक्ष पांडुरंग पांढरे, संपर्क प्रमुख शिवाजी कोळी, युवक तालुकाध्यक्ष महेश सावंत, विधानसभा अध्यक्ष प्रकाश मुळे, पन्हाळा तालुकाध्यक्ष योगेश सकटे, संपर्कप्रमुख संजय सकटे, शाहूवाडी महिला आघाडी तालुका अध्यक्षा स्वाती बिरांजे व ग. रा. वारंगे कॉलेजच्या विद्यार्थिनी यावेळी उपस्थित होत्या.