रासप नेते एस. एल. अक्कीसागर उद्या तेलंगणा राज्याच्या दौऱ्यावर

रासप नेते एस. एल. अक्कीसागर उद्या तेलंगणा राज्याच्या दौऱ्यावर 

मुंबई : राष्ट्रीय समाज पक्षाचे भूतपूर्व राष्ट्रीय अध्यक्ष एस. एल. अक्कीसागर हे उद्या दिनांक 22 ऑगस्ट 2024 रोजी तेलंगणा राज्याच्या दौऱ्यावर जाणार आहेत, अशी माहिती तेलंगणा राज्य प्रभारी गोविंदराव शूरनर यांनी दिली आहे. कर्नाटक व तेलंगणा राज्यात विविध बैठका राष्ट्रीय समाज पक्ष स्थानिक पदाधिकारी यांनी आयोजित केलेल्या आहेत. 

दिनांक 19 ऑगस्ट रोजी कर्नाटकातील बेळगाव, धारवाड जिल्ह्यात राष्ट्रीय समाज पक्ष पदाधिकारी/कार्यकर्ते यांच्या भेटीगाठी घेऊन सायंकाळी बेंगलोरच्या दिशेने रवाना झाले असल्याबाबत यशवंत नायकशी बोलताना भ्रणध्वनीवरून श्री. अक्कीसागर यांनी कळवले आहे. 20 ऑगस्ट रोजी बेंगलोर येथे नियोजित कार्यक्रम पार पडल्यानंतर कल्याण कर्नाटकमध्ये यादगीर जिल्ह्यात दिनांक 21 ऑगस्ट रोजी राष्ट्रीय समाज पक्षाची बैठक होणार आहे. तसेच उद्या दिनांक (22 ऑगस्ट) रोजी सकाळी तेलंगणा राज्यात विकाराबाद जिल्हा राष्ट्रीय समाज पक्षाची बैठक तंदूर शहरात नेहरूगंज  येथे दुपारी ३ : ३० वाजता होईल व पुढे हैदराबाद येथे तेलंगणा राज्य राष्ट्रीय समाज पक्षाची महत्वपूर्ण बैठक होईल. तेलंगणा प्रांत अध्यक्ष रमाकांत करगतला हे श्री. अक्कीसागर साहेब यांच्या समवेत तेलंगणा राज्याच्या दौऱ्यावर राहतील.