चांदवड विधानसभा रासपला जिंकायचीच आहे 

चांदवड (१०/८/२४) : नाशिक जिल्ह्यातील चांदवड विधानसभा ही राष्ट्रीय समाज पक्षाला जिंकायचीच असून, कार्यकर्त्यांनी जोमाने कामाला लागावे, असे प्रतिपादन विधानसभा निरिक्षक नानासाहेब जुंधारे यांनी केले आहे. येणाऱ्या काही दिवसात प्रदेशाध्यक्ष व वरिष्ठ पदाधिकारी यांच्या उपस्थित राष्ट्रीय समाज पक्षाचा भव्य मेळावा घेऊ. प्रत्येकाने आपापल्या आघाडीचे प्रत्येक गावामध्ये किमान पाच पदाधिकारी तयार करावे, असं विधानसभा निवडणूक निरीक्षक श्री. जुंधारे यांनी सांगितले. मार्केट कमिटी सभागृह चांदवड या ठिकाणी राष्ट्रीय समाज पक्षाची विधानसभा निवडणुक नियोजन बैठक पार पडली. बैठकीस प्रदेश सचिव प्रल्हाद पाटील, राज्य कार्यकारणी सदस्य सय्यदबाबा शेख, उत्तर महाराष्ट्र अध्यक्ष शरद बाचकर, उपाध्यक्ष शशिकांत मतकर, उत्तर महाराष्ट्र युवक उपाध्यक्ष धीरज पाटील, नाशिक जिल्हाध्यक्ष डॉ अरुण आव्हाड, अहिल्यानगर जिल्हाध्यक्ष तथा चांडवड विधानसभा निरिक्षक नानासाहेब जुंधारे, नाशिक शहराध्यक्ष विलास पलंगे, आदी प्रमुख उपस्थित होते. यावेळी उपस्थित सर्वांचे स्वागत तालुकाध्यक्ष गणेश घुमनर यांनी केले गणेश नाकोडे, दौलत वाघ,पिंटू गाडे, नवनाथ जाधव, सुखदेव वाघ, संतोष वागमोडे, तुषार राजनोर, निलेश वाघमोडे, गोरख हुलनार, प्रशांत ठोंबरे आदि पदाधिकारी उपस्थित होते सूत्रसंचालन डॉ. आव्हाड यांनी केले. आभार धीरज पाटील यांनी मानले.