महापराक्रमी पल्लव साम्राज्य स्मरणार्थ लवकरच तमिळनाडू राज्यात रासपची राज्यव्यापी रॅली 

Speaking at the Tamil Nadu state executive meeting, Rashtriya Samaj Party founder national president Mahadev Jankar, flanked by former national president S. L Akkisagar.

राष्ट्रीय समाज पक्ष तमिळनाडू राज्य कार्यकारणी बैठक उत्साहात संपन्न 

चेन्नई (२५/५/२०२४) : राष्ट्रीय समाज पक्षाचे संस्थापक राष्ट्रीय अध्यक्ष महादेव जानकर, भुतपूर्व राष्ट्रीय अध्यक्ष एस. एल. अक्कीसागर यांच्या प्रमुख उपस्थितीत तमिळनाडू राष्ट्रीय समाज पक्ष राज्य कार्यकारिणीची बैठक चेन्नई येथे आयोजित करण्यात आली होती. हॉटेल आबू पॅलेस आणि तामिळनाडू राज्य रासपा कार्यालय येथे या बैठकी पार पडल्या . राष्ट्रीय समाज पक्षाचा उल्लेख स्थानिक तमिळ भाषेत राष्ट्रीय समाज कच्छी असा बॅनरवर होता. राज्य कार्यकरणीची बैठक उत्साहात पार पडली.

रासपचे सर्वोच्च राष्ट्रीय नेते महादेव जानकर मार्गदर्शन करताना म्हणाले, तमिळनाडू राज्यात ३२ जिल्ह्यात राष्ट्रीय समाज पक्षाचे संघटन मजबूत झाले पाहिजे. राजकीय पक्षाचे संघटनात्मक काम करताना सर्व समाजाला सामील केले पाहिजे. राज्यातील २३४ विधानसभा क्षेत्रात पक्षाची ताकद निर्माण करावी. किमान २५ आमदार निवडून आणावेत. उपेक्षित राष्ट्रीय समाजाला लोकशाही भारतात सत्तेची फळे चाखायची असतील तर महिला आघाडी, युवक आघाडी, विद्यार्थी आघाडीचे संघटन वाढवले पाहिजे आणि सत्ता मिळवावी लागेल.

Rashtriya Samaj Party former national president SL Akkisagar guided the Tamil Nadu state executive meeting.

भूतपूर्व राष्ट्रीय अध्यक्ष एस. एल. अक्कीसागर म्हणाले, तमिळनाडू राज्यात राष्ट्रीय समाज पक्ष रजिस्टर्ड आहे, नुकत्याच झालेल्या लोकसभा निवडणुकीत एक महिला व एक पुरुष उमेदवार पक्षातर्फे रणागंणात लढले. तमिळनाडू राज्यात राष्ट्रीय समाज पक्षाचा ग्राफ वाढत राहील, अशी अपेक्षा व्यक्त केली. महापराकार्मी पल्लव साम्राज्य स्मरणार्थ लवकरच राज्यव्यापी रॅली आयोजित करण्याचा निर्णय घेण्यात आला. पल्लव राज्य स्मृती स्थळास श्री.अक्कीसागर आणि सहकार्यानी भेट दिली. या सर्वप्रसंगी राष्ट्रीय महासचिव कुमार सुशील, राष्ट्रीय सचिव एम. जी. मानीशंकर, तमिळनाडू राज्य अध्यक्ष डी. एन. राजा, युवक आघाडी अध्यक्ष रासपचे विधानसभेचे उमेदवार इंजी. गौतम सेंगुवून, उधगाई  सेंगुवून व अन्य उपस्थित होते.