रासपचे विधानसभा सदस्य डॉ. रत्नाकर गुट्टे यांनी स्वराज महारॅलीचे केले स्वागत 

गंगाखेड : महाराणी अहिल्याबाई होळकर यांच्या त्रिशताब्दी जयंती निमित्त राष्ट्रीय समाज पक्षाने आयोजित केलेल्या स्वराज महारॅलीचे स्वागत राष्ट्रीय समाज पक्षाचे विधानसभागृह सदस्य आ. रत्नाकर गुट्टे यांनी स्वागत केले. ३१ मे रोजी दिल्ली येथे होळकरशाहीच्या इतिहासाचे साक्षीदार असलेल्या तालकटोरा मैदानात स्वराज महारॅलीचा समारोप होणार आहे. 

राष्ट्रिय समाज पक्षाचे सर्वेसर्वा महादेव जानकर यांच्या जन्म दिवस राष्ट्रीय समाज दिनाचे औचित्य साधत दिनांक १९ एप्रिल रोजी चौंडी येथून रासपच्या स्वराज महारॅलीस प्रारंभ झाला आहे. पश्चिम महाराष्ट्रात पुणे, सातारा, कोल्हापूर, सांगली, सोलापूर जिल्ह्यात फिरल्यानंतर मराठवाड्याकडे स्वराज महारॅली रवाना झाली. धाराशिव, लातूर, बीड जिल्ह्यात फिरून काल परभणी जिल्ह्यात स्वराज महारॅली दाखल झाली. रासपचे विधानसभागृह सदस्य डॉ. रत्नाकर गुट्टे यांनी स्वराज महारॅलीचे त्यांच्या निवासस्थानी स्वागत केले. यावेळी महारॅली समवेत महाराष्ट्र रासप राज्य महासचिव ज्ञानेश्वर सलगर, मराठवाडा अध्यक्ष अश्रूबा कोळेकर, पश्चिम महाराष्ट्र संपर्कप्रमुख विनायक रुपनवर, मुंबई रासप नेते अंकुश अनुसे, सोलापूर जिल्हाध्यक्ष अनिल शेंडगे, परभणी युवक आघाडी जिल्हाअध्यक्ष राम मरगळ व स्थानिक रासप पदाधिकारी यावेळी उपस्थित होते.