विषबाधा झालेली मेंढरं वाचवण्यासाठी राष्ट्रीय समाज पक्षाचे सर्वोत्परी प्रयत्न

खालापूर : यशवंत नायक ब्यूरो 

वनवटे ता - खालापूर जि- रायगड येथे मेंढपाळांच्या बकऱ्यांना विषबाधा झाली  होती.  शेळ्या मेंढ्या धरणीवर कोसळत असल्याने मेंढपाळांवर मोठे संकट उभे ठाकले होते. त्याप्रसंगी  रासपच्यावतीने सर्वतोपरी प्रयत्न करून मेंढपाळांना मोठ्या आर्थिक संकटातून वाचवण्यासाठी कळपाकडे धाव घेऊन, तातडीने बाधित मेंढ्यावर वैद्यकीय उपचार करण्यासाठी पशुसंवर्धन विभागाची रायगड  जिल्ह्याची संपूर्ण टीम पाचारण केली. विषबाधित झालेल्या मेंढरांवर वैद्यकीय उपचार करून त्यांना जीवदान दिले. यावेळी पत्रकार, तहसील ऑफिसमधील प्रतिनिधी व पशुसंवर्धन विभागाचे सर्व वैद्यकीय अधिकारी व पशुसंवर्धन उपायुक्त श्री. काळे साहेब व श्री. लाळगे साहेब व त्यांचे सर्व सहकारी तसेच राष्ट्रीय समाज पक्षाच्या पक्षाच्यावतीने सर्व श्री. भगवान ढेबे साहेब - प्रदेश कार्यकारणी सदस्य, श्री. संपत ढेबे रायगड जिल्हा अध्यक्ष, कु. विजय ढेबे युवा आघाडी उपाध्यक्ष, रासप  नेते अरुण मोरे खालापूर तालुका खजिनदार व सर्व पदाधिकारी  सदर प्रसंगी उपस्थित होते.  कठीण संकटमयप्रसंगी केलेल्या सहकार्याबद्दल मेंढपाळ श्री कोकरे आणि परिवार यांनी सर्वांचे आभार मानले.