भुजबळ साहेब तुम्ही मुख्ममंत्री व्हा : महादेव जानकर

बीड (१३/१/२४) : येथे ओबीसींची एल्गार महासभा पार पडली.  ओबीसी नेते आणि माजी मंत्री महादेव जानकर यांनी महासभेत बोलताना मंत्री छगन भुजबळ यांनी ओबीसींचं नेतृत्व करावे अशी विनंती केली. छगन भुजबळ हे महाराष्ट्राचे हुंकार आहेत. लोकनेते गोपीनाथ मुंडेंनी मला मानसपुत्र मानले. आज मुंडे साहेब हयात नाहीत. भुजबळ साहेबांनी दिवंगत नेते गोपिनाथ मुंडे यांची जागा भरू काढावी. महात्मा फुलेंच्या विचाराने काढायची आहे. नो भाजप नो काँगेस. भुजबळ साहेब तुम्ही मुख्यमंत्री व्हा, आम्ही तुम्हाला वडीलधारे म्हणून पाहत आहे, आम्ही मागणारे नाही तर देणारे आहोत, तुमचा मुख्यमंत्री म्हणून जन्म व्हावा, यासाठी आम्ही जिवाचं रान करू,  असं म्हणत थेट भुजबळ यांचे पाय धरत त्यांना साकडे घातले.