नवी मुंबईत धनगर समाजाचे आंदोलन अटळ; ठिकठिकाणी बैठकांचे आयोजन

पनवेल : यशवंत नायक ब्यूरो

अनेक दशकांपासून धनगर समाज संविधानिक हक्कापासून वंचित आहे. धनगर समाजाला विविध आश्वासने देऊन सर्वच प्रस्थापित राजकिय पक्षांनी सत्ता भोगली. परंतु सत्तेवर येताच धनगर समाजाच्या संविधानिक मागण्यांकडे जाणीवपूर्वक दुर्लक्ष केले जात असल्याने, धनगर समाजात असंतोष निर्माण झाला आहे. राज्यभरातील धनगर समाज बांधवांकडून मोर्चे, रास्ता रोको, धरणे आंदोलन, उपोषण, निदर्शने अशी विविध आंदोलने चालू आहेत. नवी मुंबई शहरात धनगर समाज बहुसंख्येने राहतो. शेळ्या मेंढ्या हाकणाऱ्या धनगर समाजाने शहराची वाट धरल्यानंतर आपल्या सांस्कृतिक चालीरीती देखील जपल्या आहेत. नवी मुंबईत माथाडी कामगारांची मोठी संख्या आहे. पोटाची खळगी भरण्यासाठी छोटा मोठा काम धंदा, नोकरीसाठी धनगर समाज स्थायिक झाला आहे. 

कुलस्वामीनी आई चिंचणी मायाक्कादेवी मंदिर कळंबोली येथील बैठकीत सकल धनगर समाज बांधव 

सकल धनगर समाज बांधवांची दिनांक २१/०९/२०२३ रोजी मायाक्कादेवी मंदिर कामोठे येथे पहिली बैठक, दिनांक २६/०९/२०२३ रोजी मायाक्कादेवी मंदिर कळंबोली येथे दुसरी बैठक पार पडली आहे. तीसरी बैठक आज दिनांक २९/०९/२०२३ रोजी 'सिरवी समाज मंदिर सेक्टर ३ करंजाडे' येथे पार पडली. दिनांक ३०/९/२०२३ रोजी सायंकाळी ७: ३० वाजता खांदेश्वर मंदिर खांदा कॉलनी येथे बैठक पार पडली. दिनांक १/१०/२०२३ रोजी उलवे येथे  सायंकाळी ८: ३० वाजता येथे बैठक पार पडली. आज दिनांक ५/१०/२०२३ रोजी अर्थव ज्येष्ठ कल्याण मंडळ, सेक्टर १०, नेरूळ येथे बैठक पार पडणार आहे. शासनाने ५० दिवसांचा वेळ मागून घेतला आहे. लवकरात लवकर धनगर समाज बांधवांच्या हातात सर्टिफिकेट द्यावे. अन्यथा नवी मुंबईत धनगर समाजाचे आंदोलन अटळ आहे. ठिकठिकाणी सर्वपक्षीय धनगर पदाधिकारी, कार्यकर्ते, सर्व सामाजिक संघटना यांच्याकडून धनगर समाज बांधवांच्या बैठकांचे आयोजन करण्यात येत आहे. उत्तम गुणवत्ता असून देखील विविध क्षेत्रात संधी मिळत नसल्याने धनगर युवक- युवतीमध्ये रोष आहे. आपल्या न्याय मागण्यांसाठी आगामी काळात धनगर समाज पिवळ्या झेंड्याखाली गट तट विसरून एकत्र आलेला पहायला मिळेल.

अशा घडताहेत बैठका

कामोठे येथे धनगर समाज बांधवांची बैठक पार पडली.

करंजाडे येथील बैठकीत उपस्थित धनगर समाज बांधव 

खांदेश्वर येथील बैठकीत धनगर समाज बांधव उपस्थित होते.

उलवे येथील बैठकीत धनगर समाज बांधव मोठ्या संख्येने उपस्थित होते.

ना आमच्यात कुठला भेद - आम्ही सारे धनगर बांधव एक

बैठक नियोजन : लागा तयारीला लाखो बांधव  तुमच्या मदतीला 

21/ 9 /2023 : कामोठे 

26/ 9/ 2023 :  कळंबोली 

29 /9/ 2023 :  करंजाडे 

30/ 9/ 2023 : खांदा कॉलनी

1/ 10/ 2023 : उलवे 

5/ 10/ 2023 : नेरूळ सायंकाळी ८ वाजता 

शासकीय नोकऱ्यांचे खासगीकरणास राष्ट्रीय समाज पक्षाचा तीव्र विरोध : शरद दडस

ठाणे : यशवंत नायक ब्यूरो, महाराष्ट्र राज्यात शासकीय नोकऱ्यांचे खासगीकरण करण्याचा निर्णय राज्य शासनाने घेतला आहे. सदरचा निर्णय हा संविधानविरोधी आहे. शासनाने हा निर्णय लवकरात लवकर मागे घ्यावा. या निर्णयाने युवकांचे भविष्य धोक्यात आले आहे, त्यामुळे या निर्णयास राष्ट्रीय समाज पक्षाचा तीव्र विरोध राहील, अशी प्रतिक्रिया राष्ट्रीय समाज पक्षाचे विद्यार्थी आघाडी प्रदेशाध्यक्ष शरदभाऊ दडस यांनी यशवंत नायकशी बोलताना दिली. श्री. दडस हे ठाणे जिल्ह्याचा दौऱ्यावर विद्यार्थ्यांचे संघटन बांधणीसाठी आले होते. यावेळी प्रा. डी. जी. अनुसे सर, ठाणे विद्यार्थी आघाडी जिल्हाध्यक्ष सार्थक बागुल, सैय्यद खान, करण वर्मा आदी उपस्थित होते.

श्री. दडस पुढे म्हणाले, खासगिकरण म्हणजे गुलामीकरण होय. ब्रिटिशकालीन भारतात उच्ववर्णीय कर्मचारी वर्गावर अन्याय होत होता, त्यातूनच गोखले, रानडे यांनी काँग्रेस उभी केली. आज स्वतंत्र भारतात भारतीयांना स्वातंत्र्य मिळाले आहे का? असा प्रश्न निर्माण झालाय. राज्यकर्त्यांनी युवकांचे हित पाहण्याऐवजी त्यांच्यावर अन्याय करणार धोरण राबिविले आहे. शासन आपल्या मर्जीतील लोकांना नोकर भरतीचे कंत्राट देऊन युवकांचे शोषण  करू इच्छित आहे, असा आरोप ही श्री. दडस यांनी केला.

यशवंत नायक : सप्टेंबर २०२३

 यशवंत नायक : सप्टेंबर २०२३

*यशवंत नायक – सप्टेंबर 2023*

*वाचक मित्रानो, 🙏*

*या अंकात काय वाचाल...*

पान १

_*यशवंत नायक आपले मत व्यक्त करणारा, आपला प्रथम प्रतिनिधी आहे. यशवंत नायक वाचा- गांभीर्यपूर्वक वाचा*_

पान -२

_*यशवंत नायक वाचले, विकत घेऊन वाचले, आनंद वाटेल. आपले मत व्यक्त केले, समीक्षा केली, कृतार्थ वाटेल..*_

पान -३

_*प्रतिकूल मत मांडले, स्तुती टाळून, टीका केली तरी आनंद होईल. मात्र यशवंत नायक वाचले नाही तर, वाईट वाटेल..*_

*मुख्य बातम्या – पान 1* 

@ पुणे (यशवंत नायक ब्यूरो) : *साहित्यनगरी पुणे येथे राष्ट्रीय समाज पक्षाचा वर्धापन दिन भव्य दिव्य साजरा*

> *सत्य असेल त्यालाच न्याय मिळेल, चोऱ्या लपवायला येणाऱ्यांना रासपात प्रवेश नाही : महादेव जानकर* 

> *भाजपने पाप केले असेल तर जनता उत्तर दिल्याशिवाय राहणार नाही*

> *भीक मागणारा समाज नाही तर देणारा समाज तयार करणार*

> *आपले मतदान जास्त असताना आपण भिकाऱ्यागत मागत फिरतो, हे मला बदलायचे आहे*

> *ज्यांचे मतदान कमी ते आपल्या डोक्यावर नेते म्हणून बसतात*

> *राजकारणात मुस्लिम समाजाचा गृहमंत्री का चालत नाही?*

> *वडार, रामोशी, कैकाडी समाजाला नुसते महामंडळ देणार नाही तर सत्तेत वाटा देऊ*

@ पुणे (यशवंत नायक ब्युरो) : *राष्ट्रीय समाज पक्ष जिवंत ठेवला तरच राष्ट्रातील राष्ट्रीय समाज वाचेल : सिद्धाप्पा अक्कीसागर*

> *राष्ट्रीय समाज पक्षाकडे देशातील सर्वात मोठा राजकीय विचार*

@ पुणे (यशवंत नायक ब्यूरो) : *कोणताही राजकीय वारसा नसताना राष्ट्रीय समाज पक्षामुळे आमदार झालो : आमदार रत्नाकर गुट्टे*

> *आदरणीय जानकर साहेब परभणी लोकसभेत लढले तर जिम्मेदारीने निवडून आणू*

पान : २

@ पुणे (यशवंत नायक ब्यूरो मुंबई ) : *राष्ट्रीय समाज पक्ष वर्धापन दिन सोहळ्यातील क्षणचित्रे व सविस्तर वृत्त*

पान : ३ 

@ खोरोची-इंदापूर (यशवंत नायक ब्यूरो) : *राज्यातील प्रस्थापित पक्ष भाषा गरीबाची बोलतात पण न्याय द्यायची भूमिका घेत नाहीत : महादेव जानकर यांचे जन स्वराज यात्रेत प्रतिपादन*

> *प्रस्थापित पक्षातून आमदार, मंत्री, खासदार झालो तरी समाजाचे भले होणार नाही*

@ हवेली (यशवंत नायक ब्यूरो) : *शिवकालीन क्रीडा स्पर्धांचे महादेव जानकर यांचे हस्ते उद्घघाटन*

@ दिल्ली (यशवंत नायक ब्यूरो : *राज्यकर्त्यांना धनगर आरक्षणाचा प्रश्न प्रलंबित ठेवायचा आहे : महादेव जानकर*

@ मथुरा - उत्तर प्रदेश (यशवंत नायक ब्यूरो) : *कृष्णभूमी मथुरा येथे रासप नेते महादेव जानकर*

@ बारामती (यशवंत नायक ब्यूरो) : *सामान्य माणूस राजकारणात जिंकला पाहिजे : महादेव जानकर*

> *बारामती शहरात रासपच्या जन स्वराज यात्रेचे जल्लोषात स्वागत*

> *या देशातील राजकिय घराणेशाही संपली पाहिजे*

@ मेरठ - उत्तर प्रदेश (यशवंत नायक ब्यूरो) : *मेरठ येथे गलाई व्यवसायिकाकडून महादेव जानकर यांचे स्वागत*

पान : ४

@ राहुरी (यशवंत नायक ब्यूरो) : *संगोळी रायण्णा भारतीय स्वातंत्र्य लढ्यातील असली स्वातंत्र्य स्वातंत्र्यवीर : सुदर्शन अक्कीसागर*

> *कळंबोली शहरात संगोळी रायण्णा जयंती निमित्त अभिवादन*

@ गुलबर्गा - कर्नाटक (यशवंत नायक ब्यूरो) : *गुलबर्गा लोकसभा मतदारसंघातून कर्नाटक राज्यात रासपच्या जनस्वराज यात्रेस प्रारंभ*

@ उदयपूर - राजस्थान (यशवंत नायक ब्यूरो) : *महादेव जानकर यांच्या उपस्थितीत उदयपूर येथे लोकसंत अमरा भगत जयंती निमित्त भव्य शोभायात्रा*

@ निमगाव केतकी- इंदापूर (यशवंत नायक ब्यूरो) : *राज्यातील शेतकरी युवक कामगार सुखी नाही : महादेव जानकर*

@ मुंबई (यशवंत नायक ब्यूरो) : *रानकवी ना. धो. महानोर व थोर विचारवंत प्राध्यापक हरी नरके यांना रासेफ आणि यशवंत नायक परिवारातर्फे भावपूर्ण श्रद्धांजली*

_*यशवंत नायक वाचा म्हणजे वाचाल*_

*यशवंत नायक आपला खरा आणि प्रथम प्रतिनिधि आहे*

*यशवंत नायक आपला राष्ट्र आणि समाज प्रतिनिधि आहे...*

_सिद्ध - सागर

कार्यकारी संपादक

महादेव जानकर यांच्या उपस्थितीत उदयपूर येथे लोकसंत अमरा भगत जयंती साजरी

उदयपूर - राजस्थान(७/०९/२३) : यशवंत नायक ब्यूरो 

लोकसंत श्री. अमरा भगत यांच्या १८१ व्या जयंती निमित्त आयोजित विशाल समाज समागम यात्रेस उदयपुर जिल्हा राजस्थान येथे लाखो जनसमुदायास राष्ट्रनायक श्री महादेव जानकर, विधायक, पूर्व कॅबिनेटमंत्री महाराष्ट्र संस्थापक राष्ट्रीय समाज पार्टी यांनी उपस्थित राहून मार्गदर्शन केले. भव्य मोटर सायकल रॅलीला झेंडा दाखवला. पूढे ही रॅली श्री अनगढ़ भावजी समाधिकडे रवाना झाली. यावेळी रासपचे राष्ट्रीय महासचिव कुमार सुशील, राष्ट्रीय संघटक बाळकृष्ण लेंगरेमामा, गिर्राज पहलवान, सुभाष चौधरी, भेरूलाल गाडरी, प्रकाश गायरी एवम श्री लोकेश उपस्थीत होते. सायंकाळी महादेव जानकर राजस्थान दौऱ्यावरून उत्तरप्रदेश  मथुरा, आगराकडे मार्गस्थ झाले.

राज्यात कोणताही शेतकरी युवक सुखी नाही : महादेव जानकर यांचे जन स्वराज यात्रेत प्रतिपादन 

निमगाव केतकी येथून बारामती लोकसभा मतदार क्षेत्रात महादेव जानकर यांनी बैलगाडी हाकत जन स्वराज यात्रेस प्रारंभ केला.

इंदापूर : यशवंत नायक ब्यूरो २७/८/२३, जनता आता पाहत आहे. वेगवेगळ्या पक्षात कशा घडामोडी चालले आहेत. महाराष्ट्रातील कोणताही शेतकरी व युवक सुखी नाही. तज्यांनाना आम्ही स्वतःचे नेते म्हणत आहोत, ते आज वेगळ्या विचारांनी वागत असल्याचे दिसते. राष्ट्रीय समाज पक्षाची जनस्वराज यात्रा इंदापूर तालुक्यात आल्यानंतर निमगाव केतकीमध्ये राष्ट्रीय समाज पक्षाचे अध्यक्ष माजी मंत्री महादेव जानकर यांची बैलगाडीतून पारंपारिक पद्धतीने मिरवणूक काढून स्वागत केले. यावेळी ते बोलत होते. ग्रामदैवत केतकेश्वर महाराज मंदिरात दुग्धभिषेक करण्यात आला.

विठ्ठलाला साकडे घालून जनतेचे प्रश्न जाणून घेण्यासाठी, गेल्या दीड महिन्यापासून जन स्वराज यात्रा सुरू आहे. जनतेचे राज येण्यासाठी तसेच महात्मा फुले यांना अभिप्रेत असणारे शेतकऱ्यांचे राज्य येण्यासाठी रासपच्या वतीने जन स्वराज यात्रा काढली आहे. यावेळी राशीचे प्रदेशाध्यक्ष काशिनाथ शेवते, माऊली सलगर,किरण गोफने, तानाजी शिंगाडे, सर्जेराव जाधव, एड. सचिन राऊत, तात्यासाहेब आदलिंग, माणिक भोंग, एड. श्रीकांत करे, संतोष घनवट, दादासाहेब शेंडे आदी उपस्थित होते.

सामान्य माणूस राजकारणात जिंकला पाहिजे : महादेव जानकर

बारामती : महादेव जानकर यांच्या नेतृत्वात भिगवण चौक येथे जन स्वराज यात्रा प्रसंगी रासप पदाधिकारी कार्यकर्ते.

बारामतीत महादेव जानकर यांचे जंगी स्वागत 

बारामती (२८/८/२३) :  यशवंत नायक ब्यूरो

राष्ट्रीय समाज पक्षाचे संस्थापक राष्ट्रीय अध्यक्ष महादेव जानकर यांच्या नेतृत्वात जन स्वराज यात्रा सायंकाळी बारामती शहरात आली असता, बारामतीकरांनी जंगी स्वागत केले. काँग्रेस, भाजप, शिवसेना, राष्ट्रवादी यांचं घराणेशाहीच राजकारण चालू आहे, ते मोडीत काढून. सामान्य माणसाचं राज या देशात यावे, यासाठी राष्ट्रीय समाज पक्षाने जन स्वराज यात्रा सुरू केली आहे.  पुतण्या, भाऊ, नातू, मुलगा याला कुठेतरी छेद दिला पाहिजे. ज्यांच राजकरणात कोणी नाही, असे लोक या देशाचे मालक झाले पाहिजे. बारामती लोकसभा मतदार क्षेत्रातील जनतेने माझ्यावर प्रेम केले. याठिकाणी रासपचा आमदार खासदार जिंकण्यासाठी कार्यकर्त्यांनी प्रयत्न करावेत. ५४३ लोकसभा मतदार क्षेत्रात राष्ट्रीय समाज पक्ष निवडणुकीच्या आखाड्यात उतरनार आहे. या देशातील घराणेशाही संपली पाहिजे. सामान्य माणूस देखील या राज्याचा मुख्यमंत्री आमदार खासदार  झाला पाहिजे. राजकरणात सामान्य माणूस जिंकला पाहिजे. यावेळी जिल्हाध्यक्ष संदीप चोपडे, बारामती तालुकाध्यक्ष एड. अमोल सातकर व अन्य रासप पदाधिकारी कार्यकर्ते मोठया संख्येने उपस्थित होते. बारामती लोकसभा मतदार क्षेत्रात राष्ट्रीय समाज पक्षाचे तगडे वातावरण आहे.

कृष्णभूमी मथुरा येथे महादेव जानकर 

मथुरा - उत्तर प्रदेश : यशवंत नायक ब्यूरो 

महाराष्ट्राचे जाने-माने जननायक राष्ट्रीय समाज पार्टीचे संस्थापक महादेव जानकर  (पूर्व कैबिनेट मंत्री एवं वर्तमान MLC महाराष्ट्र सरकार) यांचे मथुरा येथे आगमन झाले. त्यावेळी त्यांचे स्वागत सम्मान केला आणि त्यांच्याशी संवाद साधून खूप आनंद झाला, असे मथुरा निवासी हरगोविंद सिंह बघेल यांनी सांगितले. यावेळी राष्ट्रीय समाज पक्षाचे राष्ट्रीय संघटक बाळकृष्ण लेंगरे, राष्ट्रीय महासचिव कुमार सुशील, सनातनी विष्णु दीक्षित, एम. एल. पाल उपस्थित होते.

राज्यातील प्रस्थापित पक्ष भाषा गरिबांची बोलतात, पण न्याय द्यायची भूमिका घेत नाहीत : महादेव जानकर

खोरोची ता. इंदापुर येथे महादेव जानकर यांना महिला भगिनींनी औक्षण करून व नोटांचा हार घालून स्वागत केले.

खोरोची(२८/८/२३) : ए. पी. यशवंत

राष्ट्रीय समाज पक्षाचे संस्थापक/राष्ट्रीय अध्यक्ष महादेव जानकर खोरोची ता- इंदापूर येथे भाषणात म्हणाले, आज मला येथे माता-भगिनींनी पैशाचा हार घालून स्वागत केले. त्याबद्दल माता-भगिनींचं गावकऱ्यांचं अभिनंदन करतो आणि हृदयातून आभार मानतो. २० वर्षापूर्वी या गावातील लोकांनी मला वाढदिवसाला पैशाची थैली दिली होती, ते पोलीस पाटील देखील आज हयात आहेत. आज त्यांच्या बहिणीने देखील मला पैसे दिले. त्या पैशाचा वापर मी चांगल्यासाठी केला. स्वतःचा आयुष्य मौज मजा करण्यासाठी घालवले नाही. स्वतःचा स्वतःचा झेंडा आणि दांडा असणारा स्वतःचा पक्ष भारतभर सक्षम केला. तुमच्या मुलाबाळांना येणाऱ्या पिढीला तिकिटाची फॅक्टरी तयार केली. कोणाकडे तिकीट मागायची गरज नाही. प्रस्थापित पक्षातून आमदार खासदार मंत्री झालो तरी समाजाचे भले होणार नाही. स्वतःचा पक्ष मोठा केला तरी एक दिवस समाजाचे भलं होईल असे डॉक्टर बाबासाहेब आंबेडकरांनी म्हटलेलं आहे. डॉक्टर आंबेडकरांनी स्वतःचा पक्ष काढून काँग्रेस बरोबर युती करून 340 व कलम देण्याचा प्रयत्न केलेला आहे. राज्यातील काँग्रेस भाजप शिवसेना राष्ट्रवादी हे प्रस्थापित पक्ष गरीबाची भाषा बोलतात, पण सर्वसामान्यांना न्याय देत नाहीत. आज मी तुमच्या गावात कुठल्या पक्षाचा आमदार, चमचा बनून आलेलो नाही. तुम्ही दिलेल्या दहा रुपयेच्या जीवावर झालेला आमदार म्हणून तुमच्या गावात आलेलो आहे. मला मोदी सोनिया गांधी बाळासाहेब ठाकरे शरद पवार यांचा फोटो लावावा लागत नाही. तर महादेव जानकर यांचा फोटो लावून महाराष्ट्राच्या विधानसभेत चार आमदार आणलेला हा महादेव जानकर आहे. हा स्वाभिमानाचा लढा आहे. माझी तुम्हाला विनंती आहे, आपला पक्ष सांभाळलं पाहिजे. माझ्याकडे गरीब कार्यकर्त्यांनी दहा दहा रूपये देऊन पक्ष वाढवला. तुमच्या पैशावर १८०० कीमी दिवसाला प्रवास करतोय. कधी विमान, मोटारसायकल, चारचाकी, रेल्वेने असेल. माझी तुम्हाला विनंती आहे आपला एवढा मोठा समाज असताना तुम्हाला कोणीही विचारत नाही. या देशात सत्तावन्न टक्के ओबीसी असताना ओबीसींची जनगणना होत नाही. तुम्हाला नुसत ऊसावर अवलंबून राहू नये. मुलामुलींना चांगल शिक्षण द्यावं लागेल. मी भल्याभल्यांना सांगू इच्छितो आमच्या फॅक्टरी तयार होतात आणि दुसऱ्या फॅक्टरीत निघून जातात, पण पाच वर्षांनी ते विजून जातात. मला सोडून जातो, तो मातीमोल होतो आजपर्यंतचा इतिहास आहे. तुमच्या जिल्ह्यात राहुल कुल राष्ट्रवादीच्या तिकिटावर हरला होता. त्याला राष्ट्रीय समाज पक्षाच्या तिकिटावर दौंडमध्ये निवडून आणला. भाजपने त्याला चोरून नेलं, पण पुढच्या निवडणुकीत त्याचा कार्यक्रम केला जाईल, त्यासाठी महादेव जानकर खंबीर आहे. राष्ट्रीय समाज पक्ष कलेकलेने वाढत चाललेलाय. कोण येतय कोण जातय याचा विचार करू नका. महादेव जानकरने या देशात वादळ सुरू केलेला आहे त्याला साथ द्यायची भूमिका करा. या देशात माझ्या वाढदिवसाला सर्वात जास्त पैसा जैन समाजाने दिला, त्या जिल्ह्याच नाव कोल्हापूर आहे. तुम्ही शंभरच्या, दोनशेच्या, पाचशेच्या नोटा दील्या आया बहिणीनो, तो पैसा सत्कर्मी काम केल्याशिवाय महादेव जानकर राहणार नाहीत. एक दिवस पंतप्रधान होऊन खोरोची गावाला येईल. एकवेळ मला नाही मानले तरी चालेल पण मी दिलेल्या जिल्हाध्यक्ष, तालुकाध्यक्षाला माना.

वडार समाजतर्फे भटक्या विमुक्त जाती जमाती स्वतंत्र दिवसाचे आयोजन

वडार समाजतर्फे भटक्या विमुक्त जाती जमाती स्वतंत्र दिवसाचे आयोजन 

बीड: वडार समाज संघटना महाराष्ट्र राज्य आयोजीत भटक्या विमुक्त जाती जमाती स्वतंत्र दिवस आणि लोकशाहीर अण्णा भाऊ साठे जयंतीस उपस्थित राहून मार्गदर्शन करताना महादेव जानकर.

रासप तर्फे उमाजीराजे नाईक यांना अभिवादन

रासप तर्फे उमाजीराजे नाईक यांना अभिवादन

7/9/2023

भिवडी, तालुका- पुरंदर, जिल्हा - पुणे येथे राजे उमाजी नाईक यांच्या जयंतीनिमित्त राष्ट्रीय समाज पक्षातर्फे अभिवादन करण्यात आले.

३ ऑक्टोबर रोजी शेफर्ड इंडिया इंटरनॅशनलचे महासंमेलन

मुंबई : यशवंत नायक ब्यूरो

दिनांक ३ ऑक्टोबर २०२३ रोजी शेफर्ड इंडिया इंटरनॅशनलचे महासंमेलन बेळगाव, कर्नाटक येथे आयोजीत केले आहे. या महासंमेलनात कर्नाटकचे मुख्यमंत्री सिद्धरामय्या यांचे अभिनंदन व स्वागत सत्कार करण्यात येणार आहे. या कार्यक्रमासाठी संस्थापक अध्यक्ष ए. एच विश्वनाथ, उपाध्यक्ष एच. एम. रेवन्ना, रासपचे संस्थापक राष्ट्रीय अध्यक्ष महादेव जानकर, एस. एल अक्कीसागर उपस्थित राहणार आहेत. देशभरातील विविध राज्यात शेफर्ड समाजातून येणारे विद्यमान व भूतपूर्व मंत्री, खासदार, आमदार देखील उपस्थित राहणार आहेत.

कोकणात राष्ट्रीय समाज पक्षाचे काम वाढवा : महादेव जानकर

कळंबोली शहर राष्ट्रीय समाज पक्ष कार्यालयात आ. महादेव जानकर यांनी आढावा घेतला.

कळंबोली : यशवंत नायक ब्यूरो 

देशभर राष्ट्रीय समाज पक्षाची पाळेमुळे रुजत आहेत. मात्र म्हणावे तसे संघटन कोकणात दिसत नाही. कोकणात राष्ट्रीय समाज पक्षाचे काम वाढवा, असे निर्देश पदाधिकाऱ्याना राष्ट्रीय समाज पक्षाचे संस्थापक/ राष्ट्रीय अध्यक्ष महादेव जानकर यांनी दिले. काल दिनांक १८/०९/२०२३ रोजी श्री. जानकर यांनी कळंबोली शहर रासप कार्यालयास भेट दिली. 

पनवेल तालुका, कळंबोली शहर, पनवेल महानगरपालिका क्षेत्रातील पक्ष संघटनेचा आढावा घेऊन, उर्वरित नियुक्त्या चार दिवसांत पूर्ण करा. काम करणारे पदाधिकारीच नेमा. निष्क्रिय पदाधिकारी यांना पदमुक्त करून, नवीन कार्यकर्त्यांना संधी द्या, अशा स्पष्ट शब्दांत आ. जानकर यांनी सूचना केल्या. राज्यभरात विविध ठिकाणी पक्षाचे कार्यक्रम होत आहेत. कोकणात मात्र पक्षाचे कार्यक्रम राबवले जात नाहीत. कोकणात अद्याप मिशन लोकसभा २०२४ जन स्वराज यात्रा झालेली नाही. लवकरात लवकर जन स्वराज यात्रेचे नियोजन करावे. पुढील चार दिवसांत पुन्हा दौरा करणार असल्याचे सूतोवाच आ. महादेव जानकर यांनी केले. पक्ष संघटनेचा आढावा घेताना पदाधिकारी यांची हजेरी घेऊन कानपिचक्या दिल्या. 

मोठ्या पक्षात बहुजन समाजातील लोकांचा दर्जा वेगळा आहे, याकडे आ. जानकर यांनी लक्ष वेधले. सत्तेत स्थान देताना राज्यमंत्री पदावर बोळवण केली जाते. त्यामुळे रासपच्या पदाधिकारी यांनी उपेक्षित सर्वच समाजाला सोबत घेऊन पक्षाचे काम वाढवावे. यावेळी राज्य कार्यकारणी सदस्य भगवान ढेबे, रायगड महिला आघाडी जिल्हाध्यक्षा मनिषाताई ठाकुर, पनवेल तालुका अध्यक्ष मुकेश भगत, गोरखनाथ वाघमारे, कळंबोली शहर अध्यक्ष आण्णासाहेब वावरे, देविदास खेडकर, शहर उपाध्यक्ष शहाजी शिंदे, पंढरीनाथ पवार, पनवेल शहर प्रसिद्धीप्रमुख अक्षय मिसाळ, प्रल्हाद कुंभार, युवा नेते शशिकांत मोरे, दत्ता अनुसे सर, दीलीपशेठ माने, सुनील तांबे, सागरशेठ गोरड, अमोलशेठ माने, अशोक कोकरे, रामचंद्र मदने, तानाजी कोकरे आदी उपस्थित होते.

भेट शुभेच्छ्या...!

छायाचित्र संकलन : ( तानाजी कोकरे, शशिकांत मोरे, दत्ता अनुसे)