दिल्लीत शेफर्ड इंडिया इंटरनॅशनल राष्ट्रीय कार्यकारणीची बैठक पार

राष्ट्रीय कार्यकारणी बैठकप्रसंगी देशभरातील विविध मान्यवर.

दिल्ली : यशवंत नायक ब्यूरो, प्रा. आबासो पुकळे 

दि. १२/०३/२३ रोजी शेफर्ड इंडिया इंटरनॅशनल राष्ट्रीय कार्यकारणीची बैठक कर्नाटक संघ भवन आर के पुरम दिल्ली येथे आयोजित केली होती. बैठकीस सागर रायका- पूर्व सांसद गुजरात, महादेव जानकर- राष्ट्रीय अध्यक्ष रासप, एच एम रेवन्ना- एमएलसी कर्नाटक, येगे मलेश्याम एमएलसी तेलंगणा, दिल्ली प्रदेशाध्यक्ष अत्तरसिंह पाल, जम्मू कश्मीर अध्यक्ष प्रवीण जरीयाल, उत्तर प्रदेश अध्यक्ष वीरेंद्र पाल, प्रोफेसर आनंद पाल, तामिळनाडूचे के मानीशंकर, कर्नाटकचे अध्यक्ष श्री नागप्पा, कनक ट्रस्टच्या अध्यक्षा डॉ विजयलक्ष्मी परमेश, श्री विशाल पाल व शेकडो सदस्य तथा देशभरातील प्रत्येक राज्यातील प्रतिनिधी उपस्थित होते.

दरम्यान सभेतील प्रस्तावावर अनुकूल मत व्यक्त करून भारताची राजधानी दिल्ली येथे आयएस आयपीएस उच्च केंद्रीय नोकऱ्यांसाठी धडपडणाऱ्या युवा विद्यार्थ्यांसाठी वसतीगृह बनवण्यासाठी राष्ट्रीय समाज पक्षाचे राष्ट्रीय अध्यक्ष महादेव जानकर यांनी शेपर्ड इंडिया इंटरनॅशनल यांना पाच लवकर लाख रुपयाचा धनादेश सुपूर्द केला. यावेळी राष्ट्रीय समाज पार्टीचे राजस्थान, गुजरात मध्य प्रदेश ओडीसा नॉर्थ ईस्ट प्रभारी रामभाई पाल, माजी खासदार सागर रायका, माजी आमदार एच एम रेवना यांची शेपर्ड इंडिया इंटरनॅशनलच्या राष्ट्रीय उपाध्यक्षपदी नियुक्ती करण्यात आली.