रासपच्या विदर्भ प्रदेश उपाध्यक्षपदी डॉ. मोहमद तोशिफ मोहमद  युनिस यांची नियुक्ती   

रासपची अमरावती विभागाची आढावा बैठक उत्सहात

अमरावती : यशवंत नायक ब्यूरो                            

आज दिनांक १२ मार्च २०२३ रोजी अमरावती विभागातील अकोला, यवतमाळ, वाशीम व बुलढाणा जिल्ह्यातील राष्ट्रीय समाज पक्ष कार्यकर्त्यांची आढावा बैठक शासकीय विश्रामगृह अमरावती येथे  पार पडली. ही आढावा बैठक राष्ट्रीय समाज पक्षाचे विदर्भ प्रदेश अध्यक्ष प्रा. एड. रमेश पिसे यांचे अध्यक्षतेत पार पडली. बैठकीत अमरावती विभागातील सर्व जिल्ह्यांत पक्ष बांधणी मजबूत करून आगामी निवणुकीला सामोरे जाण्याची तयारी करण्याचा निर्णय सर्वानुमते  घेण्यात आला. या बैठकीत राष्ट्रीय समाज पक्षाच्या विदर्भ प्रदेश उपाध्यक्ष व अमरावती विभागाचे  प्रभारी म्हणून डॉ. मोहमद तोशिफ मोहमद युसूफ यांची नियुक्ती करण्यात आली.

येणाऱ्या काळात होऊ घातलेल्या निवडणुकीत विदर्भातून राष्ट्रीय समाज पक्ष चांगले यश मिळवेल, असा आशावाद रासपचे विदर्भ संपर्क प्रमुख राजेंद्र पाटील यांनी यशवंत नायक ब्यूरो शी बोलताना व्यक्त केला.

बैठकीला विदर्भ प्रदेश अध्यक्ष प्रा. एड. रमेश पिसे यांचेसह कृषी सम्राट राजेंद्र पाटील संपर्क प्रमुख विदर्भ प्रदेश, पुरुषोत्तम कामडी - कोषाध्यक्ष विदर्भ प्रदेश, अमरावती पशुसंवर्धन विभागाचे निवृत्त सहायक आयुक्त डॉ. मोहन गोहत्रे साहेब, नागपूर जिल्हा उपाध्यक्ष दत्ता मेश्राम, वाशीम जिल्हा अध्यक्ष दिपक तिरके, अकोला जिल्हा उपाध्यक्ष प्रदीप गावंडे,जिल्हा महासचिव   आशिष कोल्हे, अमरावतीचे प्रदीप पाथुर्डे, विलास उमाळे, संदीप शिरसाठ, नवाब साहेब आदी मान्यवर उपस्थित होते.