अमरावतीत रविवारी राष्ट्रीय समाज पक्षाची विभागीय आढावा बैठक 

       

                   

राष्ट्रीय समाज पक्षाचा विदर्भाकडे मोर्चा आणि आढावा बैठकीतून पक्ष संघटनवर चर्चा

अमरावती : यशवंत नायक ब्यूरो

बदलत्या राजकीय परिस्थितीत राष्ट्रीय समाज पक्षाने स्वबळाचा नार दिला असून, आता विदर्भात लक्ष केंद्रित करताना राष्ट्रीय समाज पक्षाचे संस्थापक राष्ट्रीय अध्यक्ष महादेव जानकर व महाराष्ट्र राज्य कार्यकारणी यांच्या आदेशानुसार अमरावती विभागातील अकोला,  अमरावती, यवतमाळ, वाशीम, बुलढाणा जिल्ह्यातील रासप कार्यकर्त्याची रविवारदिनांक 12 मार्च  2023 रोजी दुपारी 1: 00 वा. "शासकीय विश्रामगृह अमरावती " येथे रासपचे विदर्भ प्रदेश अध्यक्ष प्रा. एड. रमेश पिसे यांचे अध्यक्षतेत आढावा बैठकीचे आयोजन केले आहे. या बैठकीत अमरावती विभागातील सर्व जिल्ह्यातील  आगामी स्थानिक स्वराज्य संस्थेच्या  निवडणुकीच्या संदर्भाने पक्षाची रणनीती ठरणार असून, पक्ष संघटन बांधणी मजबूत करण्यात येणार आहे. आढावा बैठकीत विदर्भ प्रदेश अध्यक्ष प्रा. एड. रमेश पिसे, विदर्भ संपर्क प्रमुख कृषी सम्राट राजेंद्र पाटील, विदर्भ प्रदेश मुख्य महासचिव संजय कन्नावार, विदर्भ कोषाध्यक्ष पुरुषोत्तम कामडी, डॉ. तोशिफ शेख, डॉ. प्रमोद पाथुर्डे आदी मान्यवर मार्गदर्शन करणार आहेत. अमरावती, अकोला, यवतमाळ, वाशीम, बुलढाणा जिल्ह्यातील रासप कार्यकर्त्यांनी मोठ्या संख्येने उपस्थित राहून सहकार्य करावे, असे जाहीर अवाहन राष्ट्रीय समाज पक्षाचे विदर्भ प्रदेश  अध्यक्ष प्रा. ऍड. रमेश पिसे यांनी केले. अधिक माहितीकरिता 8080648563 या भ्रमणध्वनीवर संपर्क साधावा. सदर आढावा बैठकीबाबत विदर्भ संपर्क प्रमुख राजेंद्र पाटील सर यांनी प्रसिध्दी माध्यमांना कळवले आहे.