राष्ट्रीय समाज पक्ष कर्नाटक राज्य विधानसभेच्या १५० जागांसाठी लढणार : किन्नूर

पत्रकार परिषदेत बोलताना राष्ट्रीय समाज पक्षाचे कर्नाटक प्रभारी शिवलिंगप्पा किन्नूर, उजवीकडे प्रदेशाध्यक्ष धर्माना तोंटापूर व अन्य.

४ मार्च २०२३ |प्रा. आबासो पुकळे 

कलबुर्गी : महादेव जानकर यांच्या नेतृत्वाखालील राष्ट्रीय समाज पक्ष येत्या कर्नाटक राज्य विधानसभा निवडणुकीत सुमारे १५० जागा लढवेल, असे राष्ट्रीय समाज पक्षाचे कर्नाटक प्रभारी शिवलिंगप्पा किन्नूर यांनी सांगितले. काल शुक्रवारी शहरातील पत्रकार भवनात पत्रकार परिषदेत बोलताना ते म्हणाले की, पक्षाचे राष्ट्रीय अध्यक्ष महादेव जानकर यांनी गरीब व मागासलेल्या लोकांसाठी आयुष्य पणाला लावले आहे. उपेक्षित वंचित लोकांच्या सन्मानासाठी झटत आहेत. अशा पक्षाला सर्वांनी साथ देणे अत्यंत आवश्यक असल्याचे ते म्हणाले.

कल्याण कर्नाटकातील यदागिरी, कलबुर्गी, कोप्पल, बिदर, बेल्लारी आणि रायचूर आणि विजयनगर जिल्ह्यांसह सात जिल्ह्यांतील ४१ पैकी सुमारे ३० मतदारसंघात पक्षाकडून निवडणूक लढवण्यासाठी अनेकजण संपर्कात आहेत. त्यामुळे निवडणुकीत उतरू इच्छिणाऱ्यांनी तात्काळ संपर्क साधावा, कल्याण कर्नाटक विभागाचे अध्यक्ष शरणप्पा ए. पुजारी यांच्याशी 9448632017, 9900241962 या मोबाईल क्रमांकावर संपर्क साधण्याचे आवाहन केले.

देशात आणि राज्यात काँग्रेस आणि भाजप या राष्ट्रीय पक्षांची राजवट पाहून संपूर्ण जनता कंटाळली आहे. दोन्ही राष्ट्रीय पक्षांनी मागासलेल्या, शोषित आणि अल्पसंख्याक आणि पीडितांसाठी केवळ व्होट बँक बनवली असून, त्यांचे हित साधले नाही, असा आरोप त्यांनी केला.

दोन्ही पक्षांच्या कारभारात घराणेशाही, भ्रष्टाचार, बेकायदेशीरता, गैरकारभार आदी प्रकार सातत्याने सुरू आहेत. ते त्याच्यावर, हे त्याच्यावर आरोप करत आहेत. आतापर्यंत दोन्ही राष्ट्रीय पक्षांना पारदर्शक आणि प्रामाणिक, भ्रष्टाचारमुक्त कारभार करता आलेला नाही. विषमता वाढत असल्याबद्दल त्यांनी चिंता व्यक्त केली.

सर्व समाजांना सामाजिक न्याय मिळाला पाहिजे. मात्र, कोणतेही राष्ट्रीय पक्ष असे काम करत नाहीत.  सिद्धरामय्या यांच्या नेतृत्वाखालील काँग्रेस सरकारने जातनिहाय जनगणना केली होती. हा अहवाल जाहीर करावा, अशी मागणी त्यांनी केली. पत्रकार परिषदेत पक्षाचे प्रदेशाध्यक्ष धर्माना तोंटापूर, शरणप्पा पुजारी, बसप्पा दोड्डामणी, महंतप्पा दोड्डामणी, श्रीमंत देवराज, कलबुर्गी जिल्हाध्यक्ष देवेंद्र चिगरअल्ली आदी उपस्थित होते.

"कल्याण कर्नाटकात पायाभूत सुविधा आणि राहणीमानाच्या बाबतीत या प्रदेशाचा दर्जा उंचावण्यासाठी पुरेसे काम केले गेले नाही. राज्यातील बहुतांश जिल्हे सर्वाधिक मागासलेले आहेत". - धर्मांना तोंटापुर, प्रदेशाध्यक्ष कर्नाटक रासप