रासपा पुणे शहराच्यावतीने अहिल्यादेवी होळकर यांच्या त्रिशताब्दी जयंतीनिमित्त ३ हजार फोटो फ्रेमचे वाटप 

पुणे : पुण्यश्लोक अहिल्यादेवी होळकर यांचे चरित्र, सामान्य माणसातील असामान्य जागृत करणारी ठिणगी असून महान आदर्श राज्यकर्त्या राजमाता अहिल्यादेवी होळकर यांच्या चरित्राला आणि कार्याला जनसामान्यपर्यंत पोहोचण्यासाठी पुणे शहर, राष्ट्रीय समाज पक्षाच्यावतीने राजमाता अहिल्यादेवी होळकर यांच्या त्रिशताब्दी जयंतीचे औचित्य साधून तब्बल तीन हजार फोटो फ्रेमचे वाटप करण्यात आले. हा उपक्रम पुणे शहर राष्ट्रीय समाज पक्षाने सुरू केला आहे.

राजमाता अहिल्यादेवी होळकर यांचे राजकीय सामाजिक कार्य आणि नेतृत्व आदर्श आहे. त्यांची प्रेरणा प्रत्येक घरात पोहचविणे हे आमचे प्रमुख उद्दिष्ट असल्याचे रासप पुणे शहर अध्यक्ष बालाजी दादा पवार यांनी सांगितले. श्री. पवार यांच्या संकल्पनेतून धनकवडी,आंबेगाव पठार येथून त्या उपक्रमाचा प्रारंभ झाला. यावेळी राजेश लवटे यांच्यासह पुणे शहर राष्ट्रीय समाज पक्ष पदाधिकारी उपस्थित होते.