स्थानिक स्वराज्य संस्थांच्या व लोकसभा निवडणुक स्वःबळावर लढण्याची तयारी करा- महादेव जानकर

स्थानिक स्वराज्य संस्थांच्या व लोकसभा निवडणुक स्वःबळावर  लढण्याची तयारी करा- महादेव जानकर

मराठवाडा विभागीय स्तरीय पदाधिकारी चर्चासत्रात बोलताना रासपचे सर्वेसर्वा महादेव जानकर, मंचावर एस एल अक्कीसागर, पंडित घोळवे, गोविंदराम शुरनर, काशिनाथ शेवते,  माऊली सलगर, प्रा. विष्णू गोरे व अन्य 

नांदेड (१८/०९/२२) : राष्ट्रिय समाज पक्षातर्फे मराठवाडा विभागिय कार्यकर्ता चर्चासत्र घेण्यात आले. कार्यकर्त्यांना मार्गदर्शन करताना राष्ट्रनायक महादेवजी जानकर म्हणाले, राष्ट्रिय समाज पक्ष येणाऱ्या स्थानिक स्वराज्य संस्थांच्या व लोकसभा निवडणूका स्वःबळावर लढणार आहे .त्यासाठी कार्यकर्त्यांनी बुथपातळीवर कामाला लागावेत. सब समान तो देश महान या म्हणीप्रमाणे पक्षात सर्व उपेक्षित समाजाला सामावून घेवून सर्व आघाड्यांवर कामाला लागावे, असे आवाहन केले. कार्यक्रमात माजी राष्ट्रिय अध्यक्ष सिद्दपा अक्कीसागर, राष्ट्रिय संघटक गोविंदराम शूरनर, पंडित घोळवे, महाराष्ट्र अध्यक्ष काशीनाथ शेवते, राज्य महासचिव ज्ञानेश्वर सलगर, विद्यार्थी आघाडी अध्यक्ष शरद दडस, मराठवाडा अध्यक्ष प्रा. विष्णु गोरे, मराठवाडा महिलाध्यक्ष पुष्पाताई मुंडे यांची भाषणे झाली. कंधारचे‌ निवृत मुख्याध्यापक भगवान मुंढे यांनी आपल्या कार्यकर्त्यांसह पक्षप्रवेश केला. त्यांची नांदेड जिल्हा दक्षिण विभागाचे अध्यक्षपदी नियुक्ती करण्यात आली. जिल्हाध्यक्ष प्रा शिवाजी इंदूरे यांनी कार्यक्रमाचे आयोजन केले तर सुत्र संचलन डॉ. प्रा . बाबुराव श्रीरामे यांनी केले. मराठवाड्यातून पाचशे कार्यकर्ते हजर होते. कार्यक्रम यशस्वी करण्यासाठी जिल्हा युवाध्यक्ष नितीनसापनर, बालाजी नाईक, मदनेश्वर शूरनर, अविनाश नाईक, बंदखडके, राम गोरे यांनी परिश्रम घेतले.