माणगाव तालुक्यातुन दुर्गराज किल्ले रायगडाकडे जाणाऱ्या राज्यमार्गास छत्रपती संभाजी महाराज यांचे नाव द्या : राष्ट्रीय समाज पक्षाची सार्वजनिक बांधकाममंत्री यांच्याकडे मागणी

माणगाव तालुक्यातुन दुर्गराज किल्ले रायगडाकडे जाणाऱ्या राज्यमार्गास छत्रपती संभाजी महाराज यांचे नाव द्या 

राष्ट्रीय समाज पक्षाची सार्वजनिक बांधकाममंत्री यांच्याकडे मागणी

पनवेल राष्ट्र भारती द्वारा, रायगड जिल्ह्यातील इंदापूर ते निजामपूर पाचाड मार्गे किल्ले रायगडाकडे जाणाऱ्या राज्यमार्ग क्रमांक : ९७ या मार्गास 'धर्मवीर छत्रपती संभाजी महाराज' असे नाव देण्यात यावे, अशी मागणी राष्ट्रीय समाज पक्षाचे रायगड जिल्हा संपर्क प्रमुख संतोष (तात्या) ढवळे- धनवीकर यांनी सार्वजनिक बांधकाममंत्री अशोक चव्हाण यांच्याकडे निवेदनाद्वारे केली आहे. 

निवेदनात म्हटले आहे, अंखड महाराष्ट्रासह तमाम बहुजनांचे दैवत असणारे छत्रपती शिवाजी महाराज व धर्मवीर छत्रपती संभाजी महाराज यांच्या पदस्पर्शाने पावन झालेली माणगाव तालुक्याची भूमी असून, या भूमीतून दुर्गराज किल्ले रायगडाकडे जाणारा हा मुख्य मार्ग असल्याने या मार्गाचे तातडीने देखभाल व दुरुस्ती करून नामकरण करावे. मार्ग रुंदीकरणात हस्तांतरीत झालेल्या शेतकऱ्यांना त्यांच्या भूमीचा योग्य तो मोबदला देण्यात यावा.

यावेळी राष्ट्रीय समाज पक्षाचे कोकण अध्यक्ष भगवानराव ढेबे, रायगड महिला आघाडी अध्यक्षा मनिषाताई ठाकूर, रासप नेते श्रीकांतदादा भोईर, रायगड संपर्क प्रमुख संतोष ढवळे धनवीकर, उत्तर रायगड अध्यक्ष संपत ढेबे, उरण विधानसभा अध्यक्ष दिपकशेठ पाटील, जेष्ठ समाजसेवक बबनशेठ डावले, रा.स.प. युवा नेते दिनेशशेठ हुंबे, युवा अध्यक्ष रोहिदास झोरे,आदी उपस्थित होते.