समाज संगम राजयात्रा महाराष्ट्र ते कर्नाटक

 समाज संगम राजयात्रा महाराष्ट्रातून कर्नाटक राज्यात दाखल

मुंबई : राष्ट्र भारती द्वारा, आबासो पुकळे 

राष्ट्रीय समाज पक्ष आयोजित कनेक्ट इंडीया स्वराज रॕली अंतर्गत समाज संगम राजयात्रेची सुरुवात दिनांक १६ जानेवारी २०२२ रोजी महात्मा फुलेवाडा, गंजपेठ येथून  आधुनिक भारताचे सामाजिक राष्ट्रपिता महात्मा जोतीराव फुले व विद्येची स्फुर्तिनायिका सावित्रीमाई फुले यांच्या पुतळ्यास पुष्पहार अर्पण करत, राष्ट्रीय समाज पक्षाचे राष्ट्रीय महासाचिव कुमार सुशील, श्री. बाळासाहेब लेंगरे मामा, रासप मुख्य महासचिव श्री बाळासाहेब दोडतले यांच्याहस्ते करण्यात आली. यावेळी दत्ताजी ढाकणे,  विनायकजी रूपनवर, अंकुशजी देवडकर, अॕड संजयजी माने, सचिन गुरव व इतर उपस्थित होते. पुढे समाज संगम यात्रेने भिमा कोरेगाव येथे जावून विजयी स्तंभास अभिवादन केले. समता व बंधुत्वाचा नारा देणाऱ्या समाज संगम यात्रेने तुळापूर जि- पुणे येथे छत्रपती संभाजीराजे राज्यभिषेक सोहळ्यात सहभागी होऊन दर्शन घेतले. पुढे वाफगाव ता- खेड जि- पुणे येथे महाराजा यशवंतराव होळकर यांच्या जन्मस्थळी भेट देऊन अभिवादन केले. 'समतामुलक समाजाची निर्मिती करून रयतेचे स्वराज्य निर्माण करणाऱ्या छत्रपती शिवरायांच्या जन्मभूमी शिवनेरी किल्यावर समाज संगम राजयात्रेचे आगमन झाले, परंतु कोविडच्या परिस्थितीमुळे किल्यावर जाता आले नाही, किल्याच्या पायरथ्यावरूनच दर्शन घेतले.  यावेळी समाज संगम रजयात्रेचा पहिला टप्पा पार पडला. पहिल्या टप्प्यात रासपचे राष्ट्रीय महासचिव श्री कुमार सुशील, श्री बाळासाहेब लेंगरे, मुख्य महासचिव श्री. बालासाहेब दोडतले , दत्ताजी ढाकणे, शिवाजी कुऱ्हाडे, बालाजी पवार आदी सहभागी झाले होते.

समाज संगम राजयात्रा पश्चिम महाराष्ट्रातून मराठवाड्यात बीड जिल्ह्यातील गोपीनाथगड येथे पोहचली. येथे रासपचे युवानेते श्री.राजेभाऊ फड यांनी समाज संगम राजयात्रेचे स्वागत केले. कोविडच्या परिस्थितीमुळे कसलाही गाजावाजा न करता प्रमुख पदाधिकारी यांच्या  उपस्थितीतच राजयात्रेचे नियोजन करण्यात आले होते. यावेळी राज्य मुख्यमहासचिव श्री. बाळासाहेब दोडतले, दत्ताजी ढाकणे, मधुकर मुंडे, अक्षय मुंडे, नारायण वाघमोडे आदी उपस्थित होते. समाज संगम यात्रा सिना नदीच्या तीरावर वसलेल्या चोंडी ता- जामखेड जि-  अहमदनगर येथे महाराणी अहिल्याबाई होळकर जन्मस्थळ चौंंडी येथे पोहचली. यावेळी रविंद्रजी कोठारी, नानासाहेब जुंधारे, विकासजी मासाळ, रमेश व्हरकटे , दत्ताजी ढाकणे व इतर उपस्थित होते. सावरगावघाट येथे संत भगवानबाबा यांच्या पुण्यतिथीनिमीत्त समाज संगम यात्रेचे आगमन झाले, राजयात्रेचे स्वागत रासपचे बीड जिल्हाध्यक्ष परमेश्वरजी वाघमोडे, विक्रमबप्पा सोनसळे, कृष्णाजी धापसे, रामहरी नागरगोजे, शेषेराव खटके यांनी केले. सावरघाट येथे दुसरा टप्पा पार करून समाज संगम राजयात्रा पश्चिम महाराष्ट्रात परत माघारी फिरली. मुरूम(होळ), ता-फलटण, जि-सातारा येथे अटकेपार झेंडा फडकावनारे सुभेदार मल्हारराव होळकर यांच्या जन्मगावी समाज संगम राजयात्रा पोहचली. पुढे कटगुण, ता-खटाव, जि- सातारा येथे महात्मा जोतिबा फुले यांची कुलभूमी येथे राष्ट्रपिता महात्मा जोतीराव फुले यांच्या पुतळ्यास पुष्पहार अर्पण करून अभिवादन करण्यात आले. कोल्हापूर येथे छत्रपती शाहू महाराज स्मृतीस्थळास अभिवादन केले. भिवडी, ता-पुरंदर, जि-पुणे येथे आद्यक्रांतीविर उमाजीराजे नाईक यांच्या जन्मगावी राजयात्रा पोहचली. वाटेगांव, ता-वाळवा, जि-सांगली येथे लोकशाहीर अण्णाभाऊ साठे यांच्या मूळगावी त्यांच्या राहत्या घरी व त्यांचे कार्य सांगणाऱ्या शिल्प सृष्टीची पाहणी केली. दिनांक २१ जानेवारी २०२२ रोजी समाज संगम राजयात्रा महाराष्ट्रमधील टप्पा पार करून  कर्नाटक राज्याच्या दिशेने रवाना झाली.  राजयात्रेचे  विजयपूर, कर्नाटक येथे तेलंगणा राज्य प्रभारी गोविंदराव शुरनर, कर्नाटक राज्य संयोजक धर्मांना तोंटापुर यांच्याकडे राजयात्रेची पुढील सूत्रे पश्चिम महाराष्ट्र अध्यक्ष ज्ञानेश्वर(माऊली) सलगर, पश्चिम महाराष्ट्र युवक अध्यक्ष अजित पाटील, एड.संजय माने, सचिन गुरव, अकिल नगारजी, परमेश्वर पुजारी यांनी सोपवली.

समाज संगम राजयात्रा कर्नाटक राज्यात...

विजयपूर, कर्नाटक येथे छत्रपती शिवाजी महाराजांच्या पुतळ्याला समाज संगम राजयात्रेद्वारे कर्नाटक व महाराष्ट्र पदाधिकारी यांनी अभिवादन केले. पुढे कुडलसंगम येथे महात्मा बसवेश्वर यांच्या समाधीस्थळी विनम्र अभिवादन केले.

माझ्यापेक्षा लहान कोणी नाही,

शिवभक्तापेक्षा महान कोणी नाही,

याला माझे मन साक्षी, तुमचे चरण साक्षी

कूडलसंगमदेवा अशी प्रार्थना  करण्यात आली. बसवण्णा बागेवाडी, बसवेश्वर यांचे जन्मस्थळ आजोळ इंगळेशवर येथे भेट दिली. समाज संगम राजयात्रा पुढे, बागलोकोट जिल्ह्यात बदामी, पट्टाडकल आणि आयहोल येथे भेट दिली. समाज संगम यात्रेच्याप्रसंगी कर्नाटक प्रदेशाध्यक्ष धर्मान्ना तोंटापुरे, प्रदेश उपध्याक्ष रवी डोंबाळे, ॲड संजय माने, सचिन गुरव, संजु पांढरे, सिधु बिसनाळ  तसेच कर्नाटक राज्यातील प्रमुख रासप कार्यकर्ते पदाधिकारी उपस्थित होते.

सरुर शाखा मठ आगतिर्थ पिठाचे जगतगुरु रेवनसिध्देश्वर शांतमय स्वामीजी यांच्या मठास भेट दिली. जिल्हा पंचायत, तालुका पंचायत विधानसभा निवडनुका लढवन्यासाठी पक्षास मदत करण्याच आश्वासन त्यांनी दिले.

बेळगांव जिल्ह्यात रासपचे माजी राष्ट्रीय अध्यक्ष एस एल अक्कीसागर, राष्ट्रीय संघटक गोविंदराम शुरनर यांचे स्वागत एम चंदरगी ता- रामदुर्ग येथे बेळगाव जिल्हाध्यक्ष हनुमंत पुजारी, यल्लप्पा  कळागौडर,  गौडापा कट्टी, इरप्पा हेगडी, हनुमंत कौजलगी, बसवराज दासापगोल, बिरप्पा हेगडी, मानिंगप्पा कट्टी, भीमशी कौजलगी,  भास्कर कंबार, सोमनगौडा पाटील यांनी केले.

समाज संगम राजत्रेतील क्षणचित्रे>>