अकोल्यात राष्ट्रीय समाज पक्षातर्फे महामानव डॉ. बाबासाहेब आंबेडकर यांची जयंती साजरी

अकोला (१४/४/२५) : राष्ट्रीय समाज पक्ष अकोला जिल्ह्याच्या वतीने महामानव डॉ. बाबासाहेब आंबेडकर यांची जयंती अकोला जिल्हा कार्यालय येथे साजरी करण्यात आली. राष्ट्रीय समाज पक्षाचे विदर्भ महासचिव मा. गणेशजी मानकर, जेष्ठ पत्रकार पी. टी. धांडे यांच्याहस्ते मेणबत्तीच्या दिव्य प्रकाशात महामानव बाबासाहेब आंबेडकर यांच्या प्रतिमेचे पूजन करून पुष्पहार अर्पण करण्यात आला. यावेळी अकोला जिल्हाध्यक्ष केशव मुळे यांनी आजच्या तरुण पिढीने चौकात डीजे लावून, जयंती साजरी केल्यापेक्षा चौका-चौकात वाचनालंय उभारून जयंती साजरी करावी, तरच बाबासाहेब यांना शुभेच्छा अर्पण होतील आणि खऱ्या अर्थाने जयंती साजरी होईल, असे मत व्यक्त केले. यावेळी युवा सामाजिक कार्यकर्ते अंकुश बाळापूरे, राजू डोंजेकर, संजू मस्के, उमेश मोहरकर, रोशन बारखडे व इतर मान्यवर उपस्थित होते.