रासपच्या कार्यकर्त्यांनी 'एक वोट एक नोट' संकल्पना अंमलात आणावी : महादेव जानकर 

 १. कार्यक्रम प्रसंगी कार्यकर्त्यांनी वारकरी पगडी,विठ्ठल रखुमाई ची मुर्ती आणि नोटांचा हार घालून मा.महादेवराव जानकर यांचा सत्कार केला. २. मार्गदर्शन करताना महादेव जानकर ३. होळकर वाड्यात महाराणी अहिल्याबाई होळकर यांच्या पुतळ्यास अभिवादन करताना महादेव जानकर व रासप पदाधिकारी. ४. उपस्थित पदाधिकारी/कार्यकर्ते.

लोकसभा, विधानसभा, स्थानिक स्वराज्य संस्थांच्या निवडणुका स्वबळावर लढण्याची तयारी करा

पंढरपूर : (११/०१/२०२३)यशवंत नायक ब्यूरो 

राष्ट्रीय समाज पक्षाच्या कार्यकर्त्यांनी वन बुथ टेन युथ याप्रमाणे 'एक वोट एक नोट' ही संकल्पना अंमलात आणावी, तसेच आगामी जिल्हा परिषद, पंचायत समिती, लोकसभा विधानसभेच्या निवडणुका राष्ट्रीय समाज पक्ष स्वबळावर लढणार असल्याचे रासपाचे संस्थापक राष्ट्रीय अध्यक्ष माजी मंत्री आमदार महादेव जानकर यांनी पंढरपुरात रासप पश्चिम महाराष्ट्र पदाधिकारी मेळाव्यात बोलताना सांगितले.

येथील तनपुरे महाराज मठात आयोजित करण्यात आलेल्या रा पश्चिम महाराष्ट्र पदाधिकारी मेळाव्यामध्ये नुकत्याच झालेल्या ग्रामपंचायत निवडणुकीतील सरपंच ग्रामपंचायत सदस्य यांचा सत्कार यावेळी करण्यात आला. 

पुढे बोलताना आमदार जानकर म्हणाले की, रासपाच्या कार्यकर्त्यांनी आतापासूनच आगामी जिल्हा परिषद, पंचायत समिती, नगरपालिका, महानगरपालिका, लोकसभा, विधानसभा या निवडणुकीसाठी कार्यकर्त्याने आपापल्या मतदारसंघात कामाला लागावे. युती संदर्भात बोलताना आमदार जानकर म्हणाले की, जो पक्ष आपणाला सन्मानाने जागा देईल त्याबरोबर आपण युतीसंदर्भात विचार करू.

या बैठकीत राष्ट्रीय समाज पक्षाचे राष्ट्रीय महासचिव कुमार सुशील, राष्ट्रीय संघटक बाळकृष्ण लेंगरे, पंडित घोळवे, महाराष्ट्र प्रदेशाध्यक्ष काशिनाथ शेवते, महाराष्ट्र मुख्य महासचिव ज्ञानेश्वर सलगर, प्रदेश उपाध्यक्ष बबनदादा वीरकर, प्रदेश सचिव भाऊसाहेब वाघ, विद्यार्थी आघाडी अध्यक्ष शरद दडस, राज्य सचिव भाऊसाहेब वाघ, प्रदेश सचिटणीस आबासाहेब मोटे, प्रदेश कार्यकारणी सदस्य वैशालीताई वीरकर, बाळासाहेब कोकरे, प. महाराष्ट्र अध्यक्ष ॲड. संजय माने -पाटील, उपाध्यक्ष सूनिलदादा बंडगर, प्रकाश खरात, सचिव बाळासाहेब बंडगर, कालिदास गाढवे, समन्वयक सचिन गुरव, युवक अध्यक्ष अजित पाटील, विद्यार्थी आघाडी अध्यक्ष पंकज देवकाते, सोलापूर जिल्हाध्यक्ष रणजित सुळ, जिल्हा उपाध्यक्ष ॲड. शरदचंद्र पांढरे, जिल्हा सरचिटणीस नवनाथ मदने, युवक जिल्हाध्यक्ष दामाजी मेटकरी, जिल्हा संपर्क प्रमुख श्रीमंत हाके, माढा लोकसभा क्षेत्र उपाध्यक्ष म्हाळाप्पा खांडेकर, तालुका अध्यक्ष संजय लवटे, संतोष मासाळ, संजय हाके, सातारा जिल्हाध्यक्ष खंडेराव सरक, एड. विलास चव्हाण आदी उपस्थित होते.

फोटो ओळ: १. कार्यक्रम प्रसंगी कार्यकर्त्यांनी वारकरी पगडी,विठ्ठल रखुमाई ची मुर्ती आणि नोटांचा हार घालून मा.महादेवराव जानकर यांचा सत्कार केला. २. मार्गदर्शन करताना महादेव जानकर ३. होळकर वाड्यात महाराणी अहिल्याबाई होळकर यांच्या पुतळ्यास अभिवादन करताना महादेव जानकर व रासप पदाधिकारी. ४. उपस्थित पदाधिकारी/कार्यकर्ते.