कविता हा बाबासाहेब कोकरे यांचा आनंद आहे - प्रा. प्रवीण दवणे (प्रसिद्ध कवी, गीतकार)

 

कवी श्री.बाबासाहेब कोकरे यांचा 'इन्द्रधनु' हा काव्यसंग्रह नावाप्रमाणे भावनांचे सप्तरंग जपणारा आहे. त्यांनीच म्हटल्याप्रमाणे 'अतुट प्रीतीचे' असे रंग त्यात आहेत. कधी वेदना, कधी आनंद, कधी निसर्ग सौंदर्य ; अशा अनेकविध छटांचे दर्शन घडविणारे असे हे सप्तरंग आहेत. 'वाट' सारख्या कवितेत जीवनातील खाचखळग्यांचे दर्शन आहे. 'पिकल पान ' मधून वार्धक्याने व उपेक्षेने दुःखी झालेल्या जीवाची कथा - व्यथा आहे. 'माझ बैलं' मधून आपल्या लाडक्या खिल्लारी जोडीचं कौतुक आहे. 'उघड्य नेत्रांनी' सारख्या कवितेतून सामाजिक आशय भेदकपणे व्यक्त झालेला दिसतो. 'धुळदेव गावात ' ही अगदी वेगळी, लोकगीताच्या अंगाने जाणारी कविता कवी श्री. बाबासाहेब कोकरे लिहितात. ' सांबर ' मधून एका देखण्या सांबराचे सुरेख शब्दचित्र साकारले जाते.   

 '            संवेदना आव्हान करणाऱ्या -                             '                        असा रंग सुगंध धुंद होऊन                                   '              निळ्या निळ्या सुंदर डोळ्यांत                              '                        डोळंभर भरला तर...                       

  अशा उत्कट ओळीही बाबासाहेब लिहून जातात. कविता हा बाबासाहेब कोकरे यांचा आनंद आहे. त्या आनंदानेच त्यांचे  ' इंद्रधनु '  साकारले आहे. पुढील प्रवासात अनेक सूक्ष्म तरल हुरहुरीचा वेध घेणाऱ्या अधिक समर्थ कविता ते लिहितील अशी आशा आहे. त्यांच्या या कवितासंग्रहाला माझ्या अगदी मनापासून शुभेच्छा!          '       

  -  प्रा. प्रवीण दवणे ( सुप्रसिद्ध कवी, गीतकार )