बुलढाणा जिल्ह्यातल्या मोताळा तालुक्यात घडला संतापजनक प्रकार
 |
| मेंढपाळांसह पोलीस अधिकार्‍यांना निवेदन देताना रासपाचे प्रदेशउपाध्यक्ष सुभाष राजपूत |
• दि. २७ ऑगस्ट रोजी महाराष्ट्र शासनाच्या काही वन कर्मचा-यांनी नाना मिसाळ नामक मेंढपाळांच्या मेंढ्याच्या कळपातील कोकरु(मेंढीचे बकरे) चोरले.
• चोरलेले कोकरे कापून मटनाचे कालवण(भाजी) करुन वन कर्मचा-यांनी खालले.
• चोरलेले कोकरु कापून खाताना वनकर्मचा-यांना मेंढपाळांनी प्रत्यक्ष पाहिले. कोकरे चोरणे व कापून खाने यासंबधीत कर्मचा-यांना याचा जाब विचारला.
• कापून खालेल्या कोकराचे कातडे व शस्त्राचा पुरावा घेऊन मेंढपाळांची बोरखडी पोलीस स्टेशनमध्ये तक्रार.
• दि. २९ ऑगस्ट रोजी मौजे खडकी येथे बाजार करुन मेंढ्याचा तळावर(मेंढपाळांचे वस्तीस्थान) परतणा-या दोन वयोवृद्ध मेंढपाळ महिलांना रस्त्यात अडवून एकुण ४ वन कर्मचा-यांनी केली मारहान. महिलांना बेदम मारहाण करुन खोटाडरड्या चोर असणार्‍या वन कर्मचा-यांनी बोरखडी पोलीस स्टेशनमध्ये महिलांविरुध्द जगंलात मेंढ्या चारणे, सरकारी कामात अडथळा आणणे अशा प्रकारच्या खोट्या तक्रारी दिल्या व पोलीसांनीही दाखल करुन घेतल्या.
• मारहान झालेल्या पीडित मेंढपाळ महिला पोलीसांत तक्रार देण्यास गेल्या असता पोलीसांनी घटनाक्रमाची शहानिशा न करता संबधीत महिलांना अटक केली.
• मेंढ्या चोर वन कर्मचा-यांच्या पोलीसी दप्तरी असणार्‍या खोट्या गुन्हेमुळे स्वत: पिडित असणार्‍या निपराध २ महिलांना स्वतंत्र भारतारतल्या न्यायालयातील न्यायदेवतेने तुरुंगात डांबले असून संबधीत चोरटे वन कर्मचारी मोकाट फिरत आहेत.
• स्वत: मेंढी चोर असताना शिरजोर बनलेल्या वन खात्याच्या मानवी लांडग्याची मनस्ताप करायला लावणारी संतापजनक घटना रासपाचे प्रदेशउपाध्यक्ष सुभाष राजपूत यांच्यामुळे दि. १ सप्टेंबर रोजी उजेडात आली आहे.
• उशीरा का होईना संबधीत वन कर्मचा-यांवर कारवाई करण्याचे आश्वासन जिल्हाधिकारी व जिल्हा पोलीस अधिक्षकांनी दिले आहे, परंतु बेकायदेशीर कृत्य करणार्‍या चोरट्या वन कर्मचारी यांना वाचवण्यासाठी वन विभागाचा खटाटोप सुरु आहे. या संबधीत घटनेत निपराध महिलांना तुरुंगात धाडणा-या पोलीस यंत्रणा आणि वन विभागाविरोधात मानवी आयोग आणि महिला आयोग काय भुमिका घेतोय हेही महत्वाचे आहे?.
'राष्ट्र भारती' ला भेट दिल्याबद्दल आपला आभारी आहे. आपल्या प्रतिक्रिया जरुर कळवा.
ReplyDelete