पुण्यश्लोक अहिल्यादेवी सार्वजनिक वाचनालय सिडको येथे महिला वाचक मेळावा संपन्न

नवीन नांदेड : पुण्यश्लोक अहिल्यादेवी सार्वजनिक वाचनालय होळकरनगर सिडको नांदेड येथे राजमाता जिजाऊ, राष्ट्रमाता सावित्रीमाई, राणी तुळसाबाई होळकर, विरंगणा झलकारीआई यांच्या जयंतीनिमित्त महिला वाचक मेळावा व‌ ज्ञानदानाचा कार्यक्रम प्रबोधनकार गोविंदराम शूरनर यांच्या अध्यक्षतेखाली घेण्यात आला. या कार्यक्रमाचे उद्घाटक प्राचार्य माणिकराव मुलगीर, प्रमुख पाहुणे  प्रा.डाॅ.शारदाताई माने, डॉ.सीमाताई मदने, डॉ. शंकर स्वामी वडेपुरीकर, डॉ गणपत जिरोनेकर, डॉ. श्रीराम श्रीरामे , यांची भाषणे झाली. 

प्रमुख वक्त्या प्रा. शारदाताई माने मार्गदर्शन करताना म्हणाले, मी आज येथे सन्मानाने उभी आहे. ती राष्ट्रमाता सावित्रीमाईमुळे, जर सावित्रीमाईनी स्त्रियासाठी शिक्षणाचे दारे उघडे केले नसते, तर मी शेतात मजुरी केले असते. म्हणून सर्व महिलांनी सावित्रीमाई आदर्श डोळ्यासमोर ठेवून आपल्या पाल्यांना घडविण्याचे कार्य करावे असे प्रतिपादन केले. अध्यक्षीय भाषणात प्रबोधनकार गोविंदराम शूरनर म्हणाले, राजमाता जिजाऊने इतिहास वाचल्या म्हणून मुलाला राजा बनविले, सावित्रीमाई फुले नी शेणमारा खाऊनही बहुजन स्त्रियांना शिक्षण शिकविले म्हणून आजची स्त्री देशाची पंतप्रधान, राष्ट्रपती होत आहे. राणी तुळसाबाई व विरंगणा झलकरबाई स्वातंत्र्या साठी इंग्रजा विरूध्द लढता लढता रंणागंनावर वीरमरण पत्कारले म्हणून भारत देश स्वातंत्र्य झाला. आजच्या काळातील स्त्रियांनी त्यांचा आदर्श घेवून घरा घरात छत्रपती शिवाजी, महात्मा फुले, राष्ट्रमाता सावित्री, महाराणी अहिल्याई घडवण्याचे कार्य करावे. त्यासाठी अंध्दश्रध्देवर होणारा खर्च टाळून मुलांच्या शिक्षणासाठी खर्च करावे असे आवाहन केले. कार्यक्रमाचे सुत्रसंचलन कविता नाईक यांनी केले तर आभार ग्रंथपाल मदनेश्वरी देवकते यांनी केले.

२५ रोजी बेळगावला रासप राष्ट्रीय कार्यकारणी मीटिंग व राज्य कार्यकारणी मीटिंगचे आयोजन

राष्ट्रीय समाज पक्ष तर्फे दि. २६ रोजी संगोळी रायन्ना राज्याभिषेक वार्षिकोत्सव साजरा करू : धर्मन्ना तोंटापुर

मुंबई : राष्ट्र भारती द्वारा 

दिनांक २५ जानेवारी २०२४ रोजी कन्नड साहित्य भवन, राणी चेनम्मा सर्कल जवळ, बेळगांव येथे दुपारी  २ ते ५ : ३० या वेळेत राष्ट्रिय समाज पक्ष राष्ट्रीय कार्यकारणी पदाधिकारी व कर्नाटक राज्य कार्यकारणी यांच्या मीटिंगचे आयोजन केले असल्याची माहिती, कर्नाटक प्रदेशाध्यक्ष धर्मन्ना तोंटापुर यांनी राष्ट्रभारती ब्लॉग प्रतिनिधिशी बोलताना कळवले आहे. श्री. तोंटापूर हे बेळगांव येथे आले असून, त्यांनी भूतपूर्व राष्ट्रीय अध्यक्ष एस. एल. अक्कीसागर यांची भेट घेऊन कार्यक्रमाबद्दल चर्चा केली आहे. 

मीटिंग नंतर रासप राष्ट्रीय अध्यक्ष महादेव जानकर यांच्या प्रमुख उपस्थितीत पत्रकार परिषद होईल. तसेच राष्ट्रीय समाज पक्षाच्या वतीने दिनांक २६ जानेवारी प्रजासत्ताकदिनी नंदगड ता - खानापुर जिल्हा बेळगांव येथे '१६ वा क्रांतिवीर संगोळी रायन्ना राज्याभिषेक वार्षिकोत्सव' कार्यक्रमाचे आयोजन केले आहे. देशभरातील राष्ट्रभिमानी कार्यकर्त्यांनी संगोळी रायन्ना राज्याभिषेकास मोठ्या संख्येने उपस्थित राहावे, असे आवाहन कर्नाटक राष्ट्रीय समाज पक्ष राज्य शाखेतर्फे केले आहे.

महाराष्ट्राचे गृहमंत्री देवेंद्र फडणवीस धास्तावले... धनगर समाज उपोषणकर्तेना केली अटक?

मुंबई  : आज महाराष्ट्राचे उपमुख्यमंत्री तथा गृहमंत्री देवेंद्र फडणवीस सातारा जिल्ह्याच्या दौऱ्यावर आले होते. धनगर समाजाला दिलेल्या खोट्या आश्वासनामुळे त्यांना वेगवेगळ्या मार्गाने धनगर समाजातील युवक जाब विचारत आहेत? धनगर समाजाच्या एस. टी आरक्षण अमंबजावणीसाठी उपोषणास बसलेले उपोषणकर्तेना काल रात्री 12 वाजता अटक केल्याने समाज माध्यमातून निषेध नोंदविण्यात येत आहे. धनगर समाजाची मागणी नसताना टीस सारखी संस्था नेमून आरक्षणाला अडथळ निर्माण करणे, भाजपची मातृ संघटना असणाऱ्या वनवासी कल्याण तर्फे धनगर आरक्षण विरोधात याचिका टाकणे यामुळे धनगर बांधवांच्या भावना अधिक तीव्र आहेत. 

सत्ता मिळवण्यासाठी भाजपच्या नरेंद्र मोदी ते  देवेंद्र फडणवीस या सर्वांनी धनगर समाजाची मते लाटण्यासाठी केलेली विधाने धनगर समाज अद्याप विसरलेला नाही. यामुळेच देवेंद्र फडणवीस यांना वेळोवेळी दिलेल्या आश्वासनांची आठवण करून दिली जाते. केंद्र व राज्यात सत्ता असूनही धनगर समाज आरक्षण प्रश्न सुटत नसल्याने विशेषतः  तरुणांमध्ये राज्यभर संतापाचे वातावरण आहे. राज्यातील 23 जिल्हा परिषदमध्ये चुकीचे पद्ध्तीने आरक्षण दाखवून धनगर समाजाला शिक्षक भरतीमध्ये एकही जागा नसल्याने शिक्षित युवकांमध्ये आक्रोश सुरू आहे. गेल्या महिन्यात धनगर समाज बांधवांनी तब्बल ६ तास पुणे - बंगळूर राष्ट्रीय महामार्ग रोखून धरला होता, यातून धनगर समाज बांधवांच्या भावना किती तीव्र असतील याचा परिचय होतो. 

सातारा जिल्ह्यातील वेगवेगळ्या तालुक्यात उपोषण करणाऱ्या युवकांना पोलिसांनी काल रात्रीच ताब्यात घेतले आहे. पोलिस बळ वापरून धनगर समाजाचा आवाज दाबला जातोय की काय, अशी शंका देखील उपस्थितीत केली जातेय. अजून लोकसभा निवडणूक बाकी आहे, निवडणुकीच्या अगोदरच देवेंद्र फडणवीस यांनी धास्ती घेतलीय का?, राज्य व केंद्र सरकार ओबीसी धनगर समाजाचे प्रश्नाला बगल देत असल्यामुळेच महादेव जानकर यांनी भाजप पुरस्कृत महायुती मेळाव्यापासून दूर राहणे पसंद केले आहे. कळंबोली नवी मुंबईत बोलताना महादेव जानकर यांनी धनगर, ओबीसी समाज विकासाच्या मुद्द्यावरून घणाघाती निशाणा साधलाय. भाजप, काँग्रेस हे केवळ मते मिळवण्यासाठी पिवळा झेंडा वापरतात, त्यामूळे त्यांना पिवळा झेंडा वापरू देऊ नका, असे आवाहन भूतपूर्वमंत्री महादेव जानकर यांनी केले आहे. "फडणवीसांना धनगर समाजाची इतकी भीती वाटत असेल तर, मस्तीत वागणाऱ्या भाजपचे निवडणुकीत मतांच्या माध्यमातून तोंड  १००% काळ करू", असा इशारा धनगर युवा साम्राज्य सेनेचे अध्यक्ष आशुतोष शेंडगे यांनी दिलाय.

राज्य सरकारला धनगरांची भिती का वाटतेय?

कराड येथील उपोषणकर्ते जयप्रकाश हुलवान यांना रात्री १२ वा अटक का केली? राज्य सरकार आणि पोलिस प्रशासन नेमकं काय करू पाहत आहेत.

सदर घटनेचा जाहीर निषेध

- शरद गोरड, धनगर आरक्षण उपोषणकर्ता. 

रविवारी कळंबोलीत सुदामशेठ जरग यांच्या सत्काराचे आयोजन

कळंबोली : यशवंत नायक ब्यूरो

रविवार, दिनांक १४ जानेवारी २०२४ रोजी सुधागड हायस्कूल, कळंबोली येथील सभागृहात राष्ट्रीय समाज पक्षाचे शिलेदार श्री. सुदामशेठ जरग यांच्या जाहीर सत्कार कार्यक्रमाचे आयोजन केले आहे, अशी माहिती कळंबोली शहर शाखेचे अध्यक्ष श्री. आण्णासाहेब वावरे यांनी यशवंत नायक ब्यूरोशी बोलताना दिली.

नुकतीच राष्ट्रीय समाज पक्षाचे महाराष्ट्र राज्य कोषाध्यक्षपदी सुदामशेठ जरग यांची नियुक्ती करण्यात आली आहे. सुदामशेठ जरग यांची राज्य कोषाध्यक्षपदी निवड झाल्याबद्दल रासपचे महाराष्ट्र प्रदेश अध्यक्ष काशिनाथ शेवते, प. महाराष्ट्र अध्यक्ष एड. संजय माने- पाटील, विद्यार्थी आघाडी प्रदेश अध्यक्ष शरदभाऊ दडस, युवा नेते अजितदादा पाटील यांनी मागील आठवड्यात मॅकडोनाल्ड हॉटेल येथे भेट घेऊन अभिनंदन केले आहे. श्री. वावरे पुढे म्हणाले, सायंकाळी ५ वाजता कळंबोली शहरात रासप पदाधिकारी कार्यकर्ते यांची रॅलीचे नियोजन करत आहोत. सुदामशेठ जरग यांचा कळंबोलीतील प्रमुख राजकीय नेत्यांमध्ये वावर असल्याने सर्वपक्षीय नेत्यांना देखील या कार्यक्रमासाठी निमंत्रित करू. तसेच कळंबोली कामोठे येथील रासप पदाधिकारी यांच्या निवडी जाहीर करू.

कळंबोली येथे गोंदवलेकर महाराज यांना अभिवादन

कळंबोली : यशवंत नायक ब्यूरो

नवी मुंबईतील कळंबोली येथे हनुमान मंदिरात ब्रह्मचैतन्य गोंदवलेकर महाराज यांच्या पुण्यतिथी निमित्त पुष्पवृष्टीचा कार्यक्रम आयोजीत करण्यात आला होता. पहाटे ५.५५ मिनिटांनी हा कार्यक्रम पार पडला. 'श्री राम जय राम जय जय राम' चा हरिनाम गजर करत भाविक भक्त या सोहळ्यात सहभागी झाले होते.  हनुमान मंदिर परिसरात महाप्रसादाचे आयोजन केले होते. माणदेशी नागरिक मोठ्या संख्येने उपस्थित होते. भजनाचा कार्यक्रम देखील पार पडला. 

गणू बुवांचे उपस्थित भाविक भक्त 

गोंदवले येथील कार्यक्रमाचे थेट प्रक्षेपण केले होते.