पुकळेवाडी अखंड हरिनाम सप्ताह पारायणास एक तप एक वर्ष पूर्ण

प्रतिनिधिक स्वरूपात वारकरी दिंडी काढून परायणाची सांगता

ह.भ.प अशोक महाराज मांडवेकर यांच्या शुभहस्ते दहीहंडी फोडण्याचा कार्यक्रम झाला. यावर्षी दि. २८ एप्रिल २०२१ रोजी अखंड ग्रंथराज ज्ञानेश्वरी  पारायण सप्ताहाची सुरवात करण्यात आली होती. दि. ३ मे २०२१ रोजी भगवान श्रीकृष्ण पूजा, कलश पूजा, ग्रंथ पूजा, विना पूजा यासह अनेक विधी पूर्ण करून अखंड हरिनाम सप्ताहाची सांगता करण्यात आली. यावेळी माजी सरपंच, विद्यमान उपसरपंच श्री. ब्रम्हदेव पुकळे यांच्याहस्ते ह.भ.प अशोक महाराज मांडवेकर यांचा श्रीफळ देऊन पुकळेवाडी ग्रामस्थातर्फे आभार मानण्यात आले. कोरोना महामारीच्या साथीमुळे भव्य दिव्य अंखड हरिनाम सप्ताह करता आला नसला तरीही सामाजिक अंतर व कायद्याचे पालन करून यावर्षीचा सप्ताह पार  पडल्याने  परायणास एक तप एक वर्ष पूर्ण झाले. श्री. सिद्धनाथ पुकळेवाडी धनगर समाज बहुउद्देशीय संस्थेने नियोजन केले होते.

- आबासो पुकळे