धनगर समाजा विषयी फेसबूकवर आक्षेपार्ह विधान करणाऱ्या तिघांच्यावर बारामतीत गुन्हा दाखल

• धनगर समाजा विषयी फेसबूकवर आक्षेपार्ह विधान करणाऱ्या तिघांच्यावर बारामतीत गुन्हा दाखल. 

@Abaso Pukale  भाजपचे विधान परिषद सदस्य गोपीचंद पडळकर यांच्या विषयी टीका करताना 'फेसबुक'वर धनगर समाजाच्या नावाने अपशब्द वापरलेल्या प्रदीप खोब्रागडे, दीपक जाधव व सोपान धुमाळ या फेसबुक धारकांवर बारामती शहर पोलीस ठाण्यात गुन्हा दाखल करण्यात आला आहे. या संदर्भात भारतीय जनता युवा मोर्चाचे राज्य सचिव अभिजीत अरविंद देवकाते यांनी फिर्याद दिली होती.
      पोलिस सूत्रांनी दिलेल्या माहितीनुसार २४ जून २०२० रोजी भाजपचे आमदार गोपीचंद पडळकर यांच्यावर टीका करताना त्यांच्याविषयी व जातीविषयी अपशब्द जातीविषयी अपशब्द वापरल्या प्रकरणी अभिजीत देवकाते यांनी बारामती शहर पोलीस ठाण्याकडे फिर्याद दिली. देवकाते यांच्या फिर्यादीनुसार त्यांचे मित्र अँड. अमोल सातकर यांनी त्यांना फेसबुकवर तीन जणांनी केलेल्या आक्षेपार्ह पोस्ट संदर्भात माहिती दिली. त्यानंतर देवकाते यांनी संबंधित फेसबुक वरील पोस्ट पाहिल्या आणि पोलिसांकडे फिर्याद दाखल केली. त्यावरून बारामती शहर पोलीस ठाण्यात वरील तिघाजणांविरोधात सायबर कायद्याअंतर्गत गुन्हा दाखल करण्यात आला आहे. पुढील तपास बारामती शहर पोलीस ठाण्याचे हवालदार श्री. बंडगर करीत आहेत.