२९ एप्रिल पर्यंत पुकळेवाडीत जनता कर्फ्यु 

पुकळेवाडी : येथे बाधित क्षेत्र घोषित केले आहे. कोरोना विषाणूचा प्रादुर्भाव कमी करण्यासाठी, साखळी तोडण्यासाठी, पुकळेवाडी ता- माण येथे दि.२९ एप्रिल पर्यंत जनता कर्फ्यु लागू करण्यात आल्याची माहिती, पोलीस पाटील सौ. लता हेमंतकुमार पुकळे यांनी दिली आहे.

आज पुकळेवाडी ग्रामपंचायत येथे आपत्ती व्यवस्थापन समितीची मीटिंग घेण्यात आली. त्यानुसार खालील निर्णय घेण्यात आले आहेत.

१) दिनांक १९/०४/२०२१ते दिनांक २९/०४/२०२१ पर्यत पुकळेवाडी गाव पूर्णपणे बंद केले आहे.

२) किराणा माल घरपोच दिला जाईल,किराणा मालाची यादी दुकानदारस पाठवणे.

३) मुंबई -पुणे वरुन आलेले लोकांची कोरोना टेस्ट र्रिपोर्ट दाखवणे बधंनकारक आहे. तसेच ७ दिवस 'होम कोरोंन्टाईन' रहावे लागेल.

४) विनामास्क फिरनाऱ्यास ५०० रु दंड भरावा लागेल.

सत्वाची माऊली : गुणाई जानकर

सत्व, तत्व जागणारी 'सत्वा'ची माऊली गुणाई जगन्नाथ जानकर या थोर मातेचे ३१ मार्च २०२१ रोजी वृद्धापकाळाने  पळसावडे ता- माण येथे राहत्या घरी निधन झाले. शोक संदेश देणारी बातमी वायू वेगाने महाराष्ट्रभर पसरली. रासपचे संस्थापक अध्यक्ष महादेव जानकर हे स्वतः तमिळनाडू राज्याच्या दौऱ्यावर होते. त्यांच्यापर्यंत दुःखद वार्ता पोहचताच वाहन बदलत, विमान बदलत, पुणेमार्गे आईच्या अंत्यसंस्कारासाठी पळसावडे या मूळगावी दाखल झाले.  रासप परिवार/ यशवंत नायक परिवाराकडून शोक व्यक्त करण्यात आला. रासप राष्ट्रीय अध्यक्ष एस एल अक्कीसागर, राष्ट्रीय महासचिव प्रसन्नकुमार, कुमार सुशील यांच्यासहीत हजारो नेते/ कार्यकर्ते  गुणाई जानकर यांचे अंत्यदर्शन घेण्यासाठी पळसावडेच्या दिशेने मार्गस्थ झाले.

पळसावडे गाव सातारा जिल्हाहद्दीत येते. पुढे सांगली आणि सोलापूर जिल्हा हद्द लागते. मुख्य गावापासून २ कि. मी अंतरावर जानकर यांची वस्ती लागते. तिथेच गुणाई जानकर या राहत तर कधी लेकीकडे विरकरवाडी येथे राहत. गुणाई जानकर यांना तीन मुले १)श्री. दादा जानकर, २) महादेव जानकर, ३) सतीश जानकर व एक मुलगी रत्नाबाई वीरकर. महादेव जानकर यांना अभियांत्रिकीचे शिक्षण दिले तर सतीश जानकर यांना वकिलीचे शिक्षण दिले. पुढे या दोन उच्चशिक्षित बंधूनी आजन्म अविवाहित राहून महाराष्ट्राच्या कानाकोपऱ्यात गावोगावी जाऊन बहुसंख्याक बहुजन समाजात जनजागरण केले. विशेषतः धनगर, माळी, रामोशी समाजात  यशवंत सेनेची संघटनात्मक ताकद वाढवली. पुढे महादेव जानकर यांनी चोंडी येथे 'राष्ट्रीय समाज पक्ष' स्थापन केला. रासपची राजकीय शक्ती तयार करून देश व राज्याच्या राजकारणात बेदखल समाजाला दखलपात्र समाज बनवले. 

२० वर्षाच्या संघर्षानंतर महादेव जानकर यांना देवेंद्र फडणवीस यांच्या मंत्रिमंडळात मंत्रिपद मिळाले. मंत्रिपदाचा शपथविधीसाठी गुणाई जानकर यादेखील उपस्थित राहिल्या होत्या. यावेळी गुणाई जानकर यांनी समाज माध्यमात प्रतिक्रिया दिली. 'मी मुलास जन्म दिला. लोकांनी मोठे केले.  मी आई आहे. माणूस बोलत नाही, आत्मा बोलतुया. तसेच मंत्रीपुत्रास 'चांगले काम कर,नाहीतर मारिन' अशी बेधडकपने मार्मिक प्रतिक्रिया दिली. गुणाई जानकर यांच्या स्मृतीस भावांजली वाहण्यासाठी दि. ८ एप्रिल रोजी त्यांच्या राहत्या घरी भेट दिली. यशवंत नायक तर्फे शोक व्यक्त करत महादेव जानकर, श्री. दादा जानकर, सतीश जानकर, रत्नबाई वीरकर, नातू स्वरूप जानकर यांची सांत्वनपर भेट घेतली.

आईचे सत्व जपणारे जानकर दांपत्य 

कुटुंबियांचे सांत्वन करण्यासाठी देशाच्या कानाकोपऱ्यातून समान्यापासून ते उच्चपदस्थापर्यंत लाखो लोक घरी भेट देत होते. यावेळी लोकप्रति जानकर कुटूंबियांकडून मायेचा ओलावा दिसून आला. येणाऱ्यांची आपुलकीने चौकशी करून मुखात चार घास घालण्याची पद्धत मनाला खूप भावत होती. दादा जानकर, एड. सतीश जानकर, महादेव जानकर यांच्यापासून ते स्वरूप जानकर यांच्यापर्यंत साधेपणा प्रकर्षाने जाणवत होता. रत्नाबाई वीरकर यादेखील म्हणाल्या,फक्त आमची आई नव्हती सगळ्यांची आई होती. फलटणच्या सभेवेळी जानकर साहेब आईस भेटण्यास आले. असो गुणाई जानकर या सत्याने वागल्या, मुले देखील आईच्या सत्वाला जागले, कोरोना महामारीची साथ असून देखील लाखो लोक जानकर वस्तीला पाय लावून गेले. सत्वाची माउली गुणाई जगन्नाथ जानकर यांच्या स्मृतीस यशवंत नायक परिवारतर्फे भावपूर्ण श्रद्धांजली.!

- आबासो पुकळे, मुंबई.

प्रसिद्ध झांजवादक भागोजी पुकळे कालवश

 भागोजी कोंडीबा पुकळे उर्फ भागूआबा कालवश

 पुकळेवाडी गजी मंडळाचे लोकप्रिय झांज्या म्हणून भागूआबा ओळखले जात होते. वृद्धपकाळातहि प्रामाणिकपणे 'कष्ट करून खाणे' हा त्यांच्या बाणा ऐतखाऊ लोकांना मार्मिक होता.  श्री. सिद्धनाथ, श्री. जोतीबा देवाला पहाटे उठून अभिषेक घालणारे भागूआबा एक चांगले भक्त होते.  सत्याने वागणे, चालणे, बोलणे या तत्वाने जनगणारे भागूआबा यांना आज देवाज्ञा झाली. 

"पावन जेवायला या" : भागूआबा

श्रावण महिन्याचे दिवस होते. पाऊसाची दिवसभर आणि रात्रभर रिपरिप सुरु होती. मेंढरं आणि मेंढपाळ  थंडी, वारा, पाऊसाचा मारा खात रस्त्याच्या कडेला थांबलेली, आणि अशातच मेंढक्यांच्या बायकांचे तीन दगडाच्या चुलीवर भाकऱ्या भाजायचे काम चालू होते, परंतु भाकऱ्या काही पचत नव्हत्या. इतक्यात सडक धरून भिजत चाललेल्या अनोळखी माणसाला 'पावन जेवायला या' अशी हाक देऊन पोटभर जेवायला घालणारा भागूआबा निराळेच होते. स्वतः उपाशी राहून वाटसरूला जेवण देणाऱ्या भागूआबांचे मानवतावादी कार्य  श्रेष्ठ आहे.

भागोजी कोंडीबा पुकळे यांच्या स्मृतीस भावपूर्ण श्रद्धांजली. तसेच त्यांच्या कुटूंबियांना दुःखातून सावरण्याची शक्ती मिळो. भागुआबांच्या आत्म्यास शांती लाभावी अशी ईश्वरचरणी पार्थना..!

💐💐💐💐💐💐💐

शोकाकुल : आबासो पुकळे, पुकळेवाडी.